Filiipo 3:9 - Musamu wu Mubwe

⁹ Me atsiidi buuna, mana bayabiisa me wu akangama mu nde mu butsiitsa bu imiinu mu Kristo. A mu butsitsa bwa me, bu buumata mu Mikele ve. Ka mu imiinu hi hyasiingama mu Kristo, me umba butsitsa. Ni butsiitsa bu buumata huli Nzambi.

Filiipo 3:9 ပူးပေါင်းရင်းမြစ်များ

Looma 1:17

Ni mu buuna, Musamu wu Mubwe li mu umwese bunuubu: Nzambi ubaatsikaha butsiitsa bwa baatu, mu tangu yi bo bali mu usa hiitu mu nde, we bu baasonehe mu ma Ngidi: «Mutsiitsa uba monyi mu imiinu.»

Looma 10:10

Mu toni ati, wu ubaasa imiinu mutso mutima a nde Nzambi ukitula nde wa tsiitsa. Wu ubaasilasa mu munywa a nde, Nzambi uyobolo nde.

Looma 16:7

Bilaani Andronikusi na Yunyasi, ikuta hya me, bo ba baaba na me mu kondaayi. Bu baasilasa bo ŋa hati li bilumbi, na bo baatswamini me uyaka Kristo.

Looma 5:21

We bu lisumu laamwesi matwala mu uduba baatu, ni bumosi kaka, hyese hya Nzambi hyumwese matwala ma hyo mu butsiitsa, mu ubita baatu hu monyi wu bilima na bilima mu Yisu Kristo Pfumu a bisu.

Looma 8:1

Bunuubu, boosi ba baabambana na Yisu Kristo a bubweyaka tsyembili ve.

Looma 8:3

Mambu ma Mikele mya Moose myakaveletwala uvanga, mu toni ikolili hi bumuutu, Nzambi avangi mo. Nde atsindihi Mwana a nde mu uba monyi mu linyutu li musunya, mana nde amaasa mukele lisumu, na uva lisumu tyembili mutso a nyutu.

Ngalaatiya 2:16

Bisu liyaabi ti Nzambi ni wu ubaasa ti muutu aba wu akuha mu imiinu hya nde mu Yisu Kristo. Ka a bu nde ubaaduukala Mikele mya Moose ve. Mono buni bisu Bayudaayo kaka, laamiisa imiinu mu Yisu Kristo, mana bisu liba ba baakuha mu imiinu mu nde. Bisu a lili ba baakuha ŋa busu bwa Nzambi, mu kuhisili Mikele mominimi ve. Muutu tso mumosi utwala umonehele wu akuha ŋa busu bwa Nzambi, bu nde ubaakuhasa Mikele ve.

Filiipo 3:6

Ka uto ti mu lehemene li me ambedi na lo mu Nzambi, me akakwamisa bayihi ba Yisu. Muutu utwala usyembe me mu uvelekinza Mikele ve, mu toni ati, me akakinza myo myosi.

2 Timoteho 1:9

Nde ni wu ayobolo bisu, na wu ateele bisu mu mbila ya ngidi, a mu toni mavanga ma bisu mamabwe ve, ka mu toni a kesili a nde mwakulu na mu toni bubwe bwa nde. Nde asa bisu kolo-kolo a nde mu Yisu Kristo, tswamina mbandili a tangu.

Tiite 3:5

Nzambi hafuuhisi bisu, a mu tonyi ati bisu laavanga mambu mamabwe ve. Naana! Nde hafuuhisi bisu, mu bunene bwa kwili lingebe a nde mu bisu. Nde hafuuhisi bisu, mu tangu yi Livupu la Ngidi laaswahi bisu na laavidi bisu buta li linyatihi.

Yaki 3:2

Bisu boosi libaadunga hu ulahi. Tso muutu velidunga mu biyambilili, nde li muutu wu akuha, wu ubaatwala ukuta linyutu la nde loosi.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

1 Yowani 3:4

Woosi wu li mu usa lisumu, li mu unyanza Mukele a Nzambi mu toni ati, lisumu ni unyanza hu Mukele a Nzambi.