Filiipo 3:8 - Musamu wu Mubwe

⁸ Mu mbuli, me ndi mu umono bisiha mo biniibi byosi, bi byavele na kaluha. Mu toni ati, busina bu bwafulala kaluha, ni nzaabili a Yisu Kristo Pfumu a me. Mu toni a nde, me atsiinga utimba biina byosi bi byavele na kaluha, mana me mbuuna Kristo. Eye, me ndi mu umono byo we bya nzododo mu me.

Filiipo 3:8 ပူးပေါင်းရင်းမြစ်များ

Luuka 1:43

Buni hutwala uba ti ngu a Pfumu a me aya huli me?

Luuka 11:20

Ka tso mu matwala ma Nzambi me ndi mu umbinga matengo, Ipfumu hya Nzambi ka hyamiiyato nate huli benu.

Yowani 14:20

Mu ilumbu mohiina, benu sa liyaba ti me ndi mu Taata a me. Benu lili mu me, na me ndi mu benu.

Yowani 14:7

Tso benu liyaabi me, benu likiiyaaba kaka Taata a me. Na bunuubu, benu limiiyaaba nde na limiimono nde.»

Yowani 16:3

Bo buusa buuna, mu toni ati, bo a bayaba tso Taata, tso me ve.

Yowani 17:3

Ka monyi wu bilima na bilima ni uyaaba we Nzambi, wu li Nzambi ndulu mosi wa mbuli, na uyaaba wu we atsindihi, Yisu Kristo.

Yowani 17:8

Mu toni ati, me apa bo mambu ma we ava me. Bo baayaka mo, bo baayaba ti mu mbuli me mu we apala. Na bo baasa imiinu ti we ni wu atsindaha me.

Yowani 20:13

Bapofi baafuuli nde: «Maama, mu hima we li mu ulila?» Nde afutili bo: «Mu toni ati baamiimasa Pfumu a me, na me a hanzaabi huni baayasuusa nyutu a nde ve.»

Yowani 20:28

Tomasi afutili nde: «Pfumu a me na Nzambi a me!»

Mavanga 20:24

Ka mu me, idiingu hya me a hili na tsoongo ve. Hya tsoongo huli me, ni mu ukuhasa ma me ndi mu utsa, na isalu hi Pfumu Yisu hamiiva me. Isalu mo, ni ulongese Musamu wu Mubwe wu litondo la Nzambi.»

Looma 8:18

Me ndi mu utsima ti, utwala uyelemese mapasi ma tangu moyiniiyi na muyusu a hu busu, wu Nzambi humwese bisu pa yalala ve.

Looma 8:39

tso matwala ma hu yulu, tso ma ŋa toto, tso pasi iloho hi Nzambi havanga, isiha tso imosi utwala utahula bisu na litondo, li Nzambi hamwesi bisu mu Yisu Kristo Pfumu a bisu ve.

Ngalaatiya 1:16

Tangu yi nde havoli kesili mu ubangula me Mwana a nde, mana me nzabisa Musamu wu Mubwe huli ba baavele Bayudaayo, me a hapondi buyedi huli pasi muutu ve.

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

Filiipo 3:10

Hi me ndi mu utsaha hyosi, ni uyaaba Kristo bubwe-bubwe, na uyaaba matwala ma tsuuhili a nde mu babaakwa. Hi me tondi, ni umono mapasi we bu nde hamoni, na ukwa mu toni a nde, we bu nde hakwidi mu me.

Filiipo 3:12

Me a handi mu undeele ve ti me amiinzaka musyendo, buve ti me amiito mu itesi hya muutu wu akuha. Me ndi mu ukwaada mu tiinu, mana me mbaha musyendo mowuuna. Mu toni ati, Yisu Kristo nde mwakulu amiibuuna me.

Filiipo 3:7

Ka bisiha byosi bi me akamono ti byo na pfuta yimbwe mu me, aka kaluha ve, mu toni a Kristo.

2 Timoteho 4:6

Me Pahuli, me ndi mu umono ti tangu a me yaka bebele mu uyeholo muvumu a me we bungodu bu musiitu huli Pfumu. Tangu a me yi ukwa yimiito.

1 Peetelo 2:7

Manya mo, libaava butsitu huli benu ba lili mu usa imiinu mu lo. Ka huli ba bali mu uvelesa imiinu: «Manya li batungi baatiimbi, laamikituha manya la ngu ŋa itungu hya nzo.»

2 Peetelo 1:2

Nyaha Nzambi asyeme benu na ava benu hyenze hi hyafulala mu nzabili a Nzambi na Yisu Pfumu a bisu.

2 Peetelo 1:3

Nzambi mu matwala ma nde, ava bisu byosi bi byakuha mu idiingu hya bisu, mu ukangama mu nde. Pfumu ayabisi bisu wuuna wu ateele bisu, mu muyusu na bubwe bwa nde.

2 Peetelo 1:8

Eye, tso benu lili na bisiha mobiina, na tso byo bipfuni mu benu, byo byutelemese benu mu usala. Na nzabili a Pfumu a bisu Yisu Kristo sa yibutala benu mimbutu.

2 Peetelo 3:18

Ka nyaha benu likula hutso a hyenze na nzabiili a Yisu Kristo, Pfumu na Muyobili a bisu. Nyaha muyusu aba huli nde, loloyi na mu bilima na bilima! Ameni!

1 Yowani 1:3

Bisu lili mu ulongese benu ma bisu laamoni na laayuhi. Bisu luulongese benu mo, mana benu kaka liba ba baakangama na bisu mu itwadi hi bumwana bu bungu, hi bisu lili na hyo na Taata Nzambi na Mwana a nde Yisu Kristo.

1 Yowani 2:19

Baatu mo baniba baamiisiisa bisu, ka bo a babeedi banga imiinu ba mbuli ve. Mu toni ati, bo kini baabeedi banga imiinu ba mbuli, bo baakiikwilala na bisu. Ka bu bo baamiisiisa bisu, bumiimonehele ti, baatu mobaana a bali banga imiinu ba mbuli ve.

1 Yowani 5:20

Bisu liyabi kaka ti, Mwana a Nzambi ayidi ŋa tsi na aviidi bisu buyedi mana bisu litsikaha Nzambi wa mbuli. Bisu lili ba baakangama mu Nzambi wa mbuli mu toni a Mwana a nde Yisu Kristo. Nde ni Nzambi wa mbuli na monyi wu bilima na bilima.