Filiipo 3:3 - Musamu wu Mubwe

³ Bisu ni ba Nzambi ubaamono ti bisu laamilwata iliimbu hya ba Mukristo ba mbuli. A bo ve! Bisu lili mu uyusa Nzambi mu likumbasa li Livupu la nde. Bisu lili na nyeme mu Yisu Kristo, na hiitu hya bisu, a hili mu bi muutu hu utwala uvanga mu mifudi mya nde mwakulu ve.

Filiipo 3:3 ပူးပေါင်းရင်းမြစ်များ

Looma 1:9

Nzambi wu me ndi mu utsalila mu mutima a me woosi, mu uyabisa benu Musamu wu Mubwe wu li mu utala Mwana a nde, yabi ti me ndi mu undeele imbuli: Me a umbaakolo mu utangula benu ve.

Looma 15:17

Ni mu buuna, mu itwadi na Yisu Kristo, me ndi na nyeme mu toni isalu hya me mu Nzambi.

Looma 7:6

Ka bunuubu, bisu a benu lika bunyanga ŋa busu bu Mikele, mu toni ati, bisu lili we babaakwa ŋa busu bu Mikele mi myakakotese bisu mu buviha. Mana bisu lisalila Nzambi hutso lituma li linyatihi li Livupu. Ka a husaali hutso lituma la tsikulu li mikele mibaasonehe ve.

Looma 8:15

Mu mbuli, Livupu li benu laayaka, a lili livupu li luukitusa benu baviha na li luubweluusa benu mu boomo ve. Ka ni Livupu la Ngidi li libaamwese ti benu aka baana ba Nzambi, na li libaava bisu muswa mu ufulaha huli Nzambi: «Aba!» Mbindulili ti «Taata!»

Looma 8:39

tso matwala ma hu yulu, tso ma ŋa toto, tso pasi iloho hi Nzambi havanga, isiha tso imosi utwala utahula bisu na litondo, li Nzambi hamwesi bisu mu Yisu Kristo Pfumu a bisu ve.

Looma 9:6

Me a handi mu undeele ve ti Mambu ma Nzambi mali ma maavele na tsongo. Ka boosi ba bali imbisa hya Yakobi a bali bisu Isereli ba mbuli ve.

Ngalaatiya 5:25

Livupu laava bisu monyi. Buuna, livaani lo bunyanga mana lo lituma ndyatili a bisu.

Ngalaatiya 6:16

Huli boosi ba bali mu usiingala ndongisili a me, me ndi mu undeele bunuubu: Nyaha hyenze na bubwe bwa Nzambi, biba mu bo na mu buli la Nzambi loosi!

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

Filiipo 3:12

Me a handi mu undeele ve ti me amiinzaka musyendo, buve ti me amiito mu itesi hya muutu wu akuha. Me ndi mu ukwaada mu tiinu, mana me mbaha musyendo mowuuna. Mu toni ati, Yisu Kristo nde mwakulu amiibuuna me.

Filiipo 3:14

Me ndi mu ukwaada mu uyene tiinu hu busu. Mu toni ati, Nzambi li mu uteele me mu uyaka musyendo hu yulu, mu itwadi na Kristo.

Yude 1:20

Ka benu, bambaahi ba me ba mutima, hwadaani mu ukula mu imiinu hya ngidi hya benu. Sambilaani mu matwala ma Livupu la Ngidi.