Filiipo 3:19 - Musamu wu Mubwe

¹⁹ Hu tsukusu idiingu hya bo, Nzambi ubungasana bo, mu toni ati, bo ubaasaha uywatisa mapeyu ma bo ma musunya. Bo bali mu usuusa muyusu a bo mu moosi ma mubaamwese bo tsonyi. Bo ubaatsima ndulu mu bisiha bi idiingu hya ŋa toto.

Filiipo 3:19 ပူးပေါင်းရင်းမြစ်များ

Luuka 12:19

Titswene me tsa ndeele muvumu a me: ‘Mbaahi a me, we li na biloho bi bilahi bya ŋa muvanga bi byudiinga bilima bi bilahi. Vuma hwa we, dya, nywa na ba mu kinya.’”

Luuka 16:19

Yisu atiidi ka sahu molinili: «Hwaba na bahala limosi li isina wu akabaalwata bikutu bya talu na bibibwe. Idiingu hya nde aba pasi ilumbu mikuungi na makinya.

Luuka 18:4

Tangu yoosi nzonzi akabisa. Titswene, nde ni utsima: “Eye, me nzaabi ti me a mbakiinza Nzambi, na ukiinza pasi muutu ve.

Looma 16:18

mu toni ati baatu ba pila moyiina, a bali mu usalila Kristo Pfumu a bisu ve, ka mapeyu ma bo mwakulu. Na humbisa mikuma mya bo mi mibwe, na bileedi bya soho, bo bali mu upfuta ba baavele na tsikihili.

Looma 6:21

Ka benu ki kaluha laabahi mu tangu moyiina? Mavanga ma benu lili na tsonyi mu mo loloyi. Mavanga momaana, tsukusu a mo ni lipfu.

Ngalaatiya 6:13

Ka ba baakete bo mwakulu a bali mu ukinza Mikele ve. Bo batondi ti bakete benu, mana bo basa nyeme mu ketili a benu.

Filiipo 2:21

Mu toni ati, boosi ubaavangimasa ndulu kaluha a bo mwakulu, hwavele uvangimasa ma Yisu Kristo ali mu utondo ti bo bavangimasa.

2 Tesalonika 1:9

Bo sa bayaka tsyembili ya pasi, ni lipfu li bilima na bilima. Bo a buumono hiinzi hya Pfumu na muyusu wu mifudi mya nde ve.

2 Tesalonika 2:12

Ni mu buuna, baatu boosi ba baavelisa hiitu mu imbuli, ka baamoni kinya na baakangimi mu mavanga mamabi, sa batsundasa bo.

2 Tesalonika 2:8

Buuna, nga bukanyi sa amonehele. Pfumu Yisu sa aduba nde mu mupu wu upala mu munywa nde, na nde sa ahesolo nde mu matwala ma nziili a nde.

1 Timoteho 6:5

Mo mubaabehe kaka ukakana hu hwavelefwa, ŋa hati la baatu banga buyedi bu bwatengeme. Bo a baabweyaba imbuli ve. Bo bubaatsima ti imiinu mu Nzambi, ni nzila yi ubahila busina.

2 Timoteho 3:4

Baatu bu uba basumbisi ba bana, banga mafufu, banga lidadu, ba baafulala utondo makinya ma bo hwavele utondo Nzambi.

Yaki 4:16

Ka mu mbuli, benu lili baduni na banga livama. Mbiili ya pila moyiina, yili yimbi.

2 Peetelo 2:1

Ŋa hati la buli li Isereli, hwaba na mimbihuli mi mapfuta. Bumosi kaka, ŋa hati la benu sa huba na milongisi mi mapfuta. Milongisi momiina sa mikotese na dyele loosi, ndongisili yi ubita baatu hu udunga. Bo sa batuna Pfumu wu ayobolo bo. Nzambi sa abungasana bo ipakali.

2 Peetelo 2:13

Wuuna ni musyendo a mavanga ma bo mamabi. Bo bali na kinya mu ukuhasa mapeyu ma bo mamabi ngembele a nyangu. Bo bali ndulu todi na ipiha. Bo bali na kinya mu usalila mapfuta, hutso mikungi mi bo bali mu uba itwadi na benu.

2 Peetelo 2:3

Mu toni linyungi la mbongo, bo sa basoho benu mu bitoyili bya bo bi mapfuta. Ka tsundusu a bo, umata beleve, yamiitswiha. Na ndungili yili mu ukete bo.

Yude 1:10

Ka baatu mobaniba bali mu urokolo bi bo baaveletsikaha. Na bi bo baayaba, bo baayaba byo we bibulu bya bwadi bi byavele buyedi. Mbiili moyina yili mu ubungasana bo.

Yude 1:16

Baatu mobaana a bubaaba na kinya ve, bo bali mu uŋono tangu yoosi mu idiingu hya bo. Bo bali mu udukala manzala ma linyungi la bo. Minywa mya bo mili mu upalisa mambu ma nyehe, ma usohese baatu mu ubaha kaluha.

Yude 1:4

Me ndi mu utsonehele benu, mu tonyi ati, ŋa hati la benu baatu bababi bakima, baamiiyakotelele benu mu tswehi. Bo bali baatu ba baavelekinza Nzambi a bisu, mu usobo bubwe bwa nde mu mbili a bo yi bumbembo. Na bo bali mu utunala ka Yisu Kristo, Mulongisi na Pfumu a bisu mumosi wu. Ka umata beleve, Libuuku la Ngidi laamiiyabisa tsyembili yi bo buyaka.