Filiipo 3:14 - Musamu wu Mubwe

¹⁴ Me ndi mu ukwaada mu uyene tiinu hu busu. Mu toni ati, Nzambi li mu uteele me mu uyaka musyendo hu yulu, mu itwadi na Kristo.

Filiipo 3:14 ပူးပေါင်းရင်းမြစ်များ

Luuka 16:16

Mikele mya Moose na mabuuku ma Mimbihuli mya diingi nate mu tangu Yowani Mutondihi. Umata tangu Yowani, bali mu uyabisa musamu wu mubwe wu Ipfumu hya Nzambi. Na baatu boosi bali mu ukalaana mu ukoto mu Ipfumu hya Nzambi.

Looma 11:29

Ka Nzambi a hubaapatula hi nde hamiikwava ve. Na nde a hubaasobo matsimi ŋa busu bwa ba nde hamiiteele ve.

Filiipo 3:3

Bisu ni ba Nzambi ubaamono ti bisu laamilwata iliimbu hya ba Mukristo ba mbuli. A bo ve! Bisu lili mu uyusa Nzambi mu likumbasa li Livupu la nde. Bisu lili na nyeme mu Yisu Kristo, na hiitu hya bisu, a hili mu bi muutu hu utwala uvanga mu mifudi mya nde mwakulu ve.

1 Tesalonika 2:12

Bisu laahwadisi benu, laabombisili benu na laayelisi benu mu ubaaba na mbiili yi yafwana ŋa busu bwa Nzambi. Nde wu li mu uteele benu mu ukoto mu ipfumu hya nde na mu muyusu a nde.

2 Timoteho 1:9

Nde ni wu ayobolo bisu, na wu ateele bisu mu mbila ya ngidi, a mu toni mavanga ma bisu mamabwe ve, ka mu toni a kesili a nde mwakulu na mu toni bubwe bwa nde. Nde asa bisu kolo-kolo a nde mu Yisu Kristo, tswamina mbandili a tangu.

1 Peetelo 1:13

Ni mu buuna, vangamaani! Baani likanda! Saani hiitu hya benu hyosi mu hyese hi Nzambi huva benu, ŋa Yisu Kristo huyamonehele.

1 Peetelo 5:10

Benu sa libwemono pasi mwana a tangu hoole. Ka Nzambi wu ubaamwese hyese hya nde hyosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.

2 Peetelo 1:3

Nzambi mu matwala ma nde, ava bisu byosi bi byakuha mu idiingu hya bisu, mu ukangama mu nde. Pfumu ayabisi bisu wuuna wu ateele bisu, mu muyusu na bubwe bwa nde.