Filiipo 3:13 - Musamu wu Mubwe

¹³ Baana ba ngu, mu me mwakulu, me a handi na tsimi ti me amiimbaha kaluha ve. Ka me ndi mu utsa isiha imosi: me ndi mu upusana ma makulu, na usa mifudi mu ubaalabitala ma hu busu.

Filiipo 3:13 ပူးပေါင်းရင်းမြစ်များ

Luuka 10:42

Ka isiha himosi hiluti tsalu. Mariya amiisoolo uvanga lilibwe, li bu uvelepatula nde.»

Luuka 9:62

Yisu afutili nde: «Woosi wu ukanga ikaanga mu usala ngundu, na ubaabwetala mbisa, a havangama mu Ipfumu hya Nzambi ve.»

Filiipo 2:12

Ni mu buuna, bambahi ba me ba litondo, benu laakasiingala ndongisili a me, ŋa me ambedi ŋa hati la benu. Ka bunuubu, singalaani yo bu hwafulala, tso me peli ŋa hati la benu. Mu mavanga ma benu, mu boomo na likamba, mwesaani ti benu laamiiyoboho.

Filiipo 3:12

Me a handi mu undeele ve ti me amiinzaka musyendo, buve ti me amiito mu itesi hya muutu wu akuha. Me ndi mu ukwaada mu tiinu, mana me mbaha musyendo mowuuna. Mu toni ati, Yisu Kristo nde mwakulu amiibuuna me.

Filiipo 3:8

Mu mbuli, me ndi mu umono bisiha mo biniibi byosi, bi byavele na kaluha. Mu toni ati, busina bu bwafulala kaluha, ni nzaabili a Yisu Kristo Pfumu a me. Mu toni a nde, me atsiinga utimba biina byosi bi byavele na kaluha, mana me mbuuna Kristo. Eye, me ndi mu umono byo we bya nzododo mu me.

2 Peetelo 3:8

Ka dyambu limosi li benu lu uvelevusana, bambahi ba litondo ni ti: huli Pfumu, ilumbu imosi hili we iveeve (1000) hi bilima, na «iveeve (1000) hi bilima hili we ilumbu imosi.»