Filiipo 3:12 - Musamu wu Mubwe

¹² Me a handi mu undeele ve ti me amiinzaka musyendo, buve ti me amiito mu itesi hya muutu wu akuha. Me ndi mu ukwaada mu tiinu, mana me mbaha musyendo mowuuna. Mu toni ati, Yisu Kristo nde mwakulu amiibuuna me.

Filiipo 3:12 ပူးပေါင်းရင်းမြစ်များ

Mavanga 9:15

Ka Pfumu afutili huli Ananya: «Yene, ka me miitsoolo nde mana me tsalila nde. Ni nde uyayabisa nduhi a me huli boosi ba baavele Bayudaayo na bapfumu ba bo, napa huli bisu Isereli.

Looma 8:39

tso matwala ma hu yulu, tso ma ŋa toto, tso pasi iloho hi Nzambi havanga, isiha tso imosi utwala utahula bisu na litondo, li Nzambi hamwesi bisu mu Yisu Kristo Pfumu a bisu ve.

Ngalaatiya 5:17

Mu toni ati musunya na mapeyu ma maakakana na ma Livupu; na Livupu kaka lili mapeyu ma maakakana na ma musunya. Bo baboole bali mu ulwana. Ni mu buuna, benu libaaveletwala usa libwe li benu litondi usa.

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

Filiipo 3:16

Ka ndulu, mu itesi hi bisu a benu laamiito, lidyataani mu itwadi.

Filiipo 3:3

Bisu ni ba Nzambi ubaamono ti bisu laamilwata iliimbu hya ba Mukristo ba mbuli. A bo ve! Bisu lili mu uyusa Nzambi mu likumbasa li Livupu la nde. Bisu lili na nyeme mu Yisu Kristo, na hiitu hya bisu, a hili mu bi muutu hu utwala uvanga mu mifudi mya nde mwakulu ve.

Filiipo 3:8

Mu mbuli, me ndi mu umono bisiha mo biniibi byosi, bi byavele na kaluha. Mu toni ati, busina bu bwafulala kaluha, ni nzaabili a Yisu Kristo Pfumu a me. Mu toni a nde, me atsiinga utimba biina byosi bi byavele na kaluha, mana me mbuuna Kristo. Eye, me ndi mu umono byo we bya nzododo mu me.

1 Tesalonika 5:15

Kebaani muutu a hafutala mamabi mu mamabi ve, ka mu pasi tangu, baasahaani libwe ŋa hati la benu, na ŋa hati la baatu boosi.

2 Tesalonika 2:13

Uto ti bisu a benu, baana ba ngu ba Pfumu hatondo, bisu lafwana ubaafutala matondo huli Nzambi tangu yoosi mu toni a benu. Benu ba Pfumu hasooli hati a tsomi, mu uyoboho mu isalu hi Livupu li libaava benu bungidi. Benu luuyoboho kaka, mu toni imiinu hya benu hi hyakangama mu imbuli.

1 Timoteho 5:10

Baafwana utiila nde imbangi mu mavanga mamabwe, bu nde habuhisi baana ba nde, bu hakayaka baatu bubwe. Bafwana utiila nde imbangi kaka, bu hakaswaha miilu mya baatu bangidi, bu hakakumbasa banga pumbu, na bu haba hakangama mu mavanga moosi mamabwe.

1 Timoteho 6:19

Buuna, bo buukukaha busina bu bubwe na bu bwavangama bwa hu busu, na ukanga monyi wa mbuli.

Yaki 3:2

Bisu boosi libaadunga hu ulahi. Tso muutu velidunga mu biyambilili, nde li muutu wu akuha, wu ubaatwala ukuta linyutu la nde loosi.

1 Peetelo 5:10

Benu sa libwemono pasi mwana a tangu hoole. Ka Nzambi wu ubaamwese hyese hya nde hyosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.

2 Peetelo 3:18

Ka nyaha benu likula hutso a hyenze na nzabiili a Yisu Kristo, Pfumu na Muyobili a bisu. Nyaha muyusu aba huli nde, loloyi na mu bilima na bilima! Ameni!