Filiipo 3:10 - Musamu wu Mubwe

¹⁰ Hi me ndi mu utsaha hyosi, ni uyaaba Kristo bubwe-bubwe, na uyaaba matwala ma tsuuhili a nde mu babaakwa. Hi me tondi, ni umono mapasi we bu nde hamoni, na ukwa mu toni a nde, we bu nde hakwidi mu me.

Filiipo 3:10 ပူးပေါင်းရင်းမြစ်များ

Yowani 10:18

A hu li na muutu wu umaasa me nde ve. Ka me umbaanzyeholo nde mu litondo la me mwakulu. Me ndi na matwala ma uva monyi, na me ndi na matwala ma ubwevolo nde. Buuna ni bu Taata a me hatuma me.»

Yowani 17:3

Ka monyi wu bilima na bilima ni uyaaba we Nzambi, wu li Nzambi ndulu mosi wa mbuli, na uyaaba wu we atsindihi, Yisu Kristo.

Looma 8:17

Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

Looma 8:29

Buuna, mu baatu ba Nzambi hatswanimi usoolo, nde atswamini uvolo kesili mu ufwanisa bo na Mwana a nde, mana nde aba pasa-bibelo ŋa hati la baana ba ngu ba balahi.

Looma 8:36

We bu Ma baasonehe mali mu uleele: «Mu toni a we, bali mu uyeholo bisu mu lipfu pasi ilumbu, bali mu uvolo bisu we mandombo ma bali mu ubita hu uhehe.»

Ngalaatiya 2:20

Ni mu buuna, a me ndi monyi ve, ka ni Kristo li monyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli monyi a nde mu toni a me.

Ngalaatiya 6:17

Bunuubu, muutu a habwesa me mangongo. Mu toni ati, bikidi bi me ndi na byo, ni biliimbu bi bili mu umwese ti me aka wa Yisu.

Filiipo 3:8

Mu mbuli, me ndi mu umono bisiha mo biniibi byosi, bi byavele na kaluha. Mu toni ati, busina bu bwafulala kaluha, ni nzaabili a Yisu Kristo Pfumu a me. Mu toni a nde, me atsiinga utimba biina byosi bi byavele na kaluha, mana me mbuuna Kristo. Eye, me ndi mu umono byo we bya nzododo mu me.

1 Peetelo 1:3

Ba wu baasyeme Nzambi, Taata a Pfumu a bisu Yisu Kristo! Mu bunene bwa kwili a nde lingebe, nde amiiva bisu monyi wu munyatihi, mu tsuuhili a Yisu Kristo ŋa hati la babaakwa. Nde hasiidi buuna, mana bisu liba na hiitu hi hili monyi.

2 Peetelo 1:13

Ka me ndi mu utsima ti, hwafwana huli me mu ubaayibusa benu mu uba likanda, bu me kini monyi.

1 Yowani 2:3

Tso bisu libaasiingala mikele mya Nzambi, bisu lili na hiitu ti bisu liyaabi nde.

1 Yowani 2:5

Ka woosi wu ubaakeelese mambu ma Nzambi na bukuhu bwosi, ubamwese ti, nde atondo Nzambi bu hwafwana. Ni buuna bisu luuba na hiitu ti bisu itwadi na Nzambi: