Filiipo 2:3 - Musamu wu Mubwe

³ A lisa pasi dyambu na matsimi ma nyeme ve, buve mu nzala umonehele. Ka hutso a kulimini, mwesaani ti bana baakulala benu.

Filiipo 2:3 ပူးပေါင်းရင်းမြစ်များ

Luuka 18:14

Yisu abweleele: «Me ndeele benu, bahala molinili afutihi hu nzo a nde, na Nzambi amoni nde wu akuha, ka a Mufarisi mowunuwu ve. Ka pasi nde wuuna wu ubaasyenoho sa bakulamasa; pasi nde wuuna wu ubaakulamana, sa basyenolo.»

Looma 12:10

Luulaani mu litondo bana mu bana, we binama bya buli limosi; Baani batsomi mu ukinza bana.

Looma 13:13

Lidyataani mu mbiili yi yasungama, we bu hwafwana mu udyata ŋa nyangu. Linyahaani mikuungi mi udya, malaangi, bumbembo tso mbiili yimbi, mitsotso tso nyengi.

Looma 2:8

Ka Nzambi umwese kesi na ifwefwe hya nde, huli boosi ba bubaatunala nde na ba bubaasiila nde kene. Mbiili moyiina, yibaatelemene imbuli na yibaasingasala mavanga mamabi.

Ngalaatiya 5:15

Ka tso benu lili mu udyata we bibulu, mu ubaakahasana tso ubaabakasana, buuna benu lafwana ukele: Benu sa limana mu udubasana.

Ngalaatiya 5:26

Bisu a liba banga a nyeme ve. Na lipala mu ipfu hi ubaasongosono. A liba kaka na linyungi benu na benu ve.

Filiipo 2:14

Saani moosi, hwavele miŋono na usobosono hu minywa.

1 Timoteho 6:4

nde wuuna aluula mu isayi. Muutu wa pila yiina, a hayabi isiha tso imosi ve. Nde na bubedu bwa paha mu toni mikuma. Maana ni ubaabuta nyengi, ukakana, bituhi, na utsima mambu mamabi mu bana.

1 Peetelo 3:8

Ni mu buuna, baani benu boosi matsimi mamosi. Baani na kwili lingebe mu bana, na bulembo, na litondo li mutima na kulimini.

1 Peetelo 5:5

Ni bumosi kaka, benu pfudu-mbahala, baani hutsina lituma la ba baakulala benu. Na benu boosi, lwataani kulimini mu itwadi hya benu. Mu toni ati, ma Baasonehe mali mu uleele ti: «Nzambi ubaatelemene banga likwayi, ka nde ubava hyese hya nde huli banga a kulimini.»