Filiipo 2:19 - Musamu wu Mubwe

¹⁹ Me ndi na hiitu mu Yisu Kristo ti, me utsindahala benu Timoteho mawasa-mawasa, me ukwada bu me unzaka matsangu ma benu.

Filiipo 2:19 ပူးပေါင်းရင်းမြစ်များ

Mavanga 16:1

Pahuli ayeni hu musyenge a Derebe nate hu musyenge a Lisitele. Huuna hwaba na muyihi mumosi, nduhi a nde Timoteho. Ngu a nde aba Muyudaayo wu asiidi hiitu mu Yisu, na taata a nde musi Ngeleke.

Looma 15:12

Mumbihuli Esaya kaka li mu uleele: «Imbisa hya Yese hyuya, nde uteleme mu utuma bibandu bikima, matsi moosi sa masiila nde hiitu».

Looma 16:21

Timoteho, tsyengi a me mu isalu mu Kristo li mu uva benu mabwehe. Ni bumosi, Lusyusi, Yasoni na Sozipatere, bikuta bya me, batsindihi benu mabwehe.

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

Filiipo 2:18

Bumosi kaka huli benu, monwani kinya, na baani mu kinya itwadi na me.

Filiipo 2:28

Me miindenge atsindaha benu nde mu mutima mumosi, mana benu liba mu kinya mu ubwemono nde, na lingebe la me lileenge.

1 Tesalonika 3:2

Bisu latsindaha benu mwana a ngu a bisu Timoteho, wu li tsyengi a me mu isalu hya Nzambi, mu nzabisili a Musamu wu Mubwe wa Kristo. Bisu laatuma nde mu uhwadisa benu na uva benu mandongi mu toni imiinu hya benu,

1 Tesalonika 3:5

Ni mu buuna, bu me akambwepeletwala ukuunda ukeele, me atsindihi benu Timoteho mu usaha uyaaba kwadili imiinu hya benu. Me akambata boomo ti mukuyi, mulobisi mo wunuwu, alobese benu na pasi a bisu a yiba ya mupu.

2 Tesalonika 1:3

Baana bangu, bisu lafwana ubafutala matondo tangu yoosi huli Nzambi, mu toni a benu. Hwafwana huli bisu mu usa buuna, mu umono buni imiinu hya benu hili mu ukula. Bisu lili mu umono kaka buni litondo li benu lili mu umwese mu bana, lili mu ukula.

2 Timoteho 1:12

Na, ni mu buuna, me ndi mu umono mapasi momanima. Ka me a handi na tsonyi ve, mu toni ati me nzabi mu na me atsa hiitu hya me. Me na hiitu mu nde, wu uli na matwala ma ukelese bi nde hava me, nate mu ilumbu hya tsundusu.

Yaki 4:15

Monwani buni benu laafwana uleele: «Tso Pfumu tondi, bisu lu uba monyi na bisu lu usa hinihi, buve hinihi.»

1 Peetelo 1:21

Mu nde benu lili mu usa imiinu mu Nzambi wu asuula nde ŋa hati la babaakwa, na wu ava nde muyusu. Ni mu buuna, benu libaasa imiinu na hiitu mu Nzambi.