Filiipo 2:17 - Musamu wu Mubwe

¹⁷ Na tso makila ma me matsoli, we ikuku hi bungodu bu benu libaava huli Nzambi mu imiinu hya benu, me umono kinya. Me umba mu kinya itwadi na benu boosi.

Filiipo 2:17 ပူးပေါင်းရင်းမြစ်များ

Mavanga 20:24

Ka mu me, idiingu hya me a hili na tsoongo ve. Hya tsoongo huli me, ni mu ukuhasa ma me ndi mu utsa, na isalu hi Pfumu Yisu hamiiva me. Isalu mo, ni ulongese Musamu wu Mubwe wu litondo la Nzambi.»

Mavanga 21:13

Ka Pahuli akaali: «Mu hima benu lili mu ulila na lili mu umwese me pasi mu mutima? Me ndi wu avangama, me Pahuli, ndulu a mu usa ti bakuta me ve. Ka napa mu ukwa hu musyenge a Yeruselemi, mu toni muyusu wu afwana mu Pfumu Yisu.»

Looma 12:1

Baana ba ngu, mu toni ati Nzambi amiimwese bubwe bwa nde mu bisu, me ndi mu upondo huli benu, mu uyeholo nde nyutu a benu we bungondu bwa monyi, bwa ngidi, bu Nzambi husilasa. Buuna, benu sa liyusa Nzambi we bu hwafwana.

Looma 15:16

mu uba musalili a Yisu Kristo huli ba baavele Bayudaayo. Me ndi mu utsa isalu hya nganga a Nzambi, hi uyabisa Musamu wu Mubwe a Nzambi, mana ba baavele Bayudaayo bakituha bungodu bu bubwe, bu Nzambi husilasa, bu baamiisyeme mu matwala ma Livupu la Ngidi.

Filiipo 1:20

Li me ndi mu ukeele na usa hiitu mu lo ni ti, me a handi na tsonyi mu pasi dyambu ve. Li me ndi mu utondo loloyi, we mu pasi tangu na hiitu hyosi ni ti, Kristo uyaka muyusu mu nyutu a me. Me tso amba monyi, me tso akwa.

Filiipo 2:18

Bumosi kaka huli benu, monwani kinya, na baani mu kinya itwadi na me.

Filiipo 2:30

mu toni ati, nde abeedi bebele na lipfu mu usala isalu hya Kristo. Nde avahuli idiingu hya nde, mu ubehele me likumbasa, li benu laavelitwala ubehele me benu mwakulu.

Filiipo 4:18

Mu muhanda mowunuwu, me ndi mu utsingasala ti, me anzaka bungodu bwa benu bwosi, bu bwavyohelele iteesi. Bunuubu, bu Epafodite amiibehele me bungodu bwa benu, me miimbaha byosi bi me ndi na byo nzala. Bungodu bwa benu buli we nyafi ya tsulu yimbwe, bungodu bu Nzambi ubaasiinga na bu nde ubaamono kinya.

1 Tesalonika 2:8

Bisu laatondo benu mu itesi hi ulongese benu Musamu wu Mubwe wa Nzambi. Litondo moliina laamiivangimasa bisu mu uva kaka muvumu a bisu mwakulu. Benu laaba na talu yi yafulala ŋa busu bwa bisu!

2 Timoteho 4:6

Me Pahuli, me ndi mu umono ti tangu a me yaka bebele mu uyeholo muvumu a me we bungodu bu musiitu huli Pfumu. Tangu a me yi ukwa yimiito.

1 Peetelo 2:5

Na benu mwakulu, we mamanya ma monyi, kuukamaani mu utuunga nzo Livupu. Kuukamaani mu uvanga kabu li banganga ba Nzambi ba nga lehemene, ba bu uba na isalu hi ubaayeholo bungodu bu Livupu. Bungodu mobuuna, Nzambi usiinga bwo, mu toni a Yisu Kristo.

1 Yowani 3:16

Mono buni lafwana uyaba litondo hima lo lili: Yisu Kristo ayehuli muvumu a nde mu bisu. Ni buuna, bisu kaka lafwana uyeholo mivumu mya bisu mu baana ba ngu a bisu.