Filiipo 2:16 - Musamu wu Mubwe

¹⁶ mu uyabisa bo Musamu a monyi. Saani buuna, ilumbu hi Kristo huuya, me umba na nyeme mu benu mu toni ati, me a hatsali tso umono pasi mu pu ve.

Filiipo 2:16 ပူးပေါင်းရင်းမြစ်များ

Luuka 12:8

Me ndi mu undeele benu: pasi muutu wu utiila me imbangi ŋa busu bwa baatu, Mwana a Muutu ka sa atiila nde imbangi ŋa busu bu bapofi ba Nzambi.

Yowani 6:63

Ni Livupu la Nzambi libaava monyi. Musunya a hali na tsongo ve. Mambu ma me ndeeli benu mali mu umata mu Livupu, na mali ma uva monyi huli baatu.

Yowani 6:68

Simoni Peetelo ni ufutala nde: «Pfumu, bisu ka huli na luuyene? We ni nga mambu ma mubaava monyi wu bilima na bilima.

Mavanga 13:26

«Baana ba ngu a me, benu ba imbisa hya Abrahami, na ba bubaakiinza Nzambi. Ni huli bisu a benu boosi, Nzambi hatsindaha musamu liyobolo wunuwu.

Ngalaatiya 2:2

Me anzyeni huuna mu nzabisili yi Livupu. Me anzaabisi bo Musamu wu Mubwe, wu me umbandongese ŋa hati la ba baavele Bayudaayo. Me ambahi imoho hya ŋa muvanga, na ba baakomo hutso libundu. Titswene, me a hantondi ve ti isalu hi me atsidi hu tsomi, na hi me ndi mu utsa loloyi, hiba hya mupu.

Ngalaatiya 4:11

Me ndi na boomo ti, isalu hi me anzatsala ŋa hati la benu, hiba hya mu pu.

Filiipo 1:10

Ni buuna, benu luuyaba usilasa ndyatili yimbwe. Benu luuba banga imbuli na ba baavele na masyembo, mu ilumbu hya nziili a Kristo.

Filiipo 1:6

Me ndi na hiitu ti: Nzambi wu abaandihi usa isalu hi hibwe ŋa hati la benu, ukwilala mu ubaasa hyo, nate hu tsukusu, mu ilumbu hi Kristo Yisu hu uyafutaha.

1 Tesalonika 2:19

Ni benu, a baatu bakima ve, lili hiitu hya bisu, kinya a bisu na iliimbu hya mbiingili a bisu, yi bisu luutwala usa nyeme ŋa busu bwa Pfumu a bisu Yisu Kristo, ŋa nde huuya.

1 Tesalonika 3:5

Ni mu buuna, bu me akambwepeletwala ukuunda ukeele, me atsindihi benu Timoteho mu usaha uyaaba kwadili imiinu hya benu. Me akambata boomo ti mukuyi, mulobisi mo wunuwu, alobese benu na pasi a bisu a yiba ya mupu.

1 Peetelo 1:23

Baamiibuta benu buta li linyatihi. A mu muhunu wu ubaakwa ve, ka mu muhunu wu avelekwa. Muhunu mowuuna, ni mambu ma Nzambi ma monyi, ma bilima na bilima.

1 Yowani 1:1

Bisu lili mu uyaabisa benu musamu wu ubaava monyi, wu li umata mbaandu a tsi. Bisu laayuhi nde. Bisu laamoni nde mu miisu ma bisu. Bisu laakengisi nde na myoho mya bisu myabembi nde.