Filiipo 2:15 - Musamu wu Mubwe

¹⁵ Mana benu liba baana ba Nzambi ba baatsyeme na ba baavele masyembo, ŋa hati la baatu ba tsi moyiniyi. Baatu ba bubaavanga mamabi na ba baatengeme matsimi. Benu lafwana ubaamwedeme we liyalala li libaayalusa tsi,

Filiipo 2:15 ပူးပေါင်းရင်းမြစ်များ

1 Peetelo 2:12

Baani na mbiili yimbwe ŋa hati li bangoyi. Tso bo bakesi benu ti benu bavangi ba mamabi, bo sa bamono mbiili a benu yimbwe. Na bo sa bayusa Nzambi ilumbu hi nde hu uyamonehele.

1 Tesalonika 5:23

Nyaha Nzambi wu li suhu la hyenze, akuhasa bungidi bwa nde boosi mu benu. Na nde akeelese benu we bu hwafwana: ilunzi hyosi, muvumu woosi na nyutu yoosi bya benu, biveleba na masyembo mu ilumbu hya nziili a Pfumu a bisu Yisu Kristo.

2 Peetelo 3:14

Ni mu buuna, bambahi ba litondo, bu lili mu ukeele ilumbu mohiina, hwadaani mu uba babaatsyeme. Baani babaavele masyembo ŋa busu bwa Nzambi, mu hyenze hi nde ali mu uva.

Tiite 2:10

na uveleyibala bo pasi isiha. Ka baviha bafwana umonehele tangu yoosi, basalili bababwe. Moosi ma bo buupalisa, bo baafwana uvangimasa mo. Bo bavanga buuna, baatu sa bava muyusu mu mambu ma bisu libaalongese mu Nzambi Muyobili a bisu.

1 Peetelo 2:9

Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.

1 Timoteho 3:10

Baafwana umaakete mbiili a bo. Titswene, tso a bamoni lilibi mu bo ve, bo utwala usa isalu hya bo hi bukeelisi bu libundu.

1 Timoteho 3:2

Mutumi libundu afwana uba wu avele masyembo, mulumi a mukaasu mumosi, nga mbiili yi yasungama, nga tsiki, nga butsitu na wu akuha. Nde afwana uba muyaki a byenyi na wu utwala ulongese libundu.

Filiipo 1:10

Ni buuna, benu luuyaba usilasa ndyatili yimbwe. Benu luuba banga imbuli na ba baavele na masyembo, mu ilumbu hya nziili a Kristo.

Looma 16:19

Ka uto ti benu, boosi bayaabi lisiingala la benu mu Pfumu. Me ndi mu kinya mu benu. Ka me tondi ti benu liba banga a tsiki mu uvanga ma mabwe, na uba ba baatsyeme mu mitima mu ubata ma mabi.

Mavanga 2:40

Peetelo abweleele bo mambu mamalahi makima, mana bo bayuhala nde, na nde akayibusa bo na ubaaleele bo: «Siingani liyobolo, mana benu aliyaka tsyembili a baatu mobaniba ba banyambana.»

Tiite 2:15

Ni mu buuna, we afwana ulongese na uhwadisa ba bubaayuhala we. We afwana usyembe libundu na ibahala hyosi. Ba na buyedi, mana muutu tso mumosi a hapenye we.

Tiite 1:6

Mukuutu libundu afwana uba wu avele masyembo, na nde utwala uba ikama ve. Baana ba nde baafwana uba na hiitu mu Kristo, na bo utwala umwese imbangi hi ibi mu ndyatili a bo, buve umwese kene ve.

1 Timoteho 5:20

Syembe ba bubaasa masumu ŋa busu bwa baatu boosi, mana bakuutu bakima kaka, bamono boomo.

Mavanga 20:30

Ŋa hati la benu mwakulu, baatu sa baleele ma upfuta mu udimbasa libundu, mana bayihi bakima mu benu, baduukala bo.

Yowani 5:35

Yowani aba we mwinda wu bali mu ubaangisa, mana nde ayalusa baatu boosi. Mu mwana tangu hoole, benu laamoni kinya mu liyalala la nde.

Luuka 6:35

Ka baatondwani baboho ba benu, baasiilaani bo mamabwe, baasombesaani hwavele ubaakeele ti bafutala benu. Buna musyendo a benu sa aba wu munene. Benu sa liba baana ba Nzambi a Pungu, mu toni ati nde li wu mubwe huli banga nyinga na banga bukanyi.

1 Timoteho 5:14

Ni mu buuna, me tondi ti bakwili ba bakini banumba, babwekwele. Hwafwana ti bo babuta baana na ubaatuma manzo ma bo, mu uveleva nzila huli ba bubaatelemene bo, mu ukusa bo.

1 Timoteho 5:7

Mono matumili ma we afwana uva bakwili, mu uyibusa bo, mana bavelesyembe bo.

Luuka 1:6

Bo baboole baaba baasungama ŋa busu bwa Nzambi, na baakaduukala mikele mya Pfumu na tumili a nde we bu hwafwana.

Filiipo 3:6

Ka uto ti mu lehemene li me ambedi na lo mu Nzambi, me akakwamisa bayihi ba Yisu. Muutu utwala usyembe me mu uvelekinza Mikele ve, mu toni ati, me akakinza myo myosi.