Filiipo 2:14 - Musamu wu Mubwe

¹⁴ Saani moosi, hwavele miŋono na usobosono hu minywa.

Filiipo 2:14 ပူးပေါင်းရင်းမြစ်များ

Luuka 5:30

Bafarisi na milongisi mi mikele baakaŋono na baakaleele huli bayihi ba nde: «Muhima benu lili mu udya na unywa na bakaambi ba limandu, na banga masumu?»

Mavanga 15:2

Pahuli na Baranabasi a baasingisili bo ve. Titswene, paha na kele yi mifudi byabwidi ŋa hati la baatu mobaana mu dyambu moliina. Libundu laavoli kesili ti Pahuli, Baranabasi na baana ba ngu bakima, bisu Antyokya, baafwana uyene hu Yeruselemi. Ni huuna bo buyatsikaha musamu mowuna huli bilumbi, na huli bakuutu ba libundu.

Mavanga 15:39

Buuna, paha yinene yatelimi, na bo baakabuhi. Baranabasi avoli Malako, na bo boole baayeni hu iliiŋa hya Kipere.

Mavanga 15:7

Humbisa usobosono minywa, Peetelo atelimi na aleeli bo: «Bana ba ngu ba me, benu liyabi umata beleve, ti Nzambi asooli me ŋa hati la benu. Nzambi asooli me, mana me nzanzaabisa Musamu wu Mubwe huli ba baavele Bayudaayo, mana bu bo buyuha nde, bo basa hiitu mu Nzambi.

Mavanga 6:1

Mu bilumbu mobiina, litangu li bayihi laakapfuna, Bayudaayo ba baakayambila ndaha a Bangeleke, baakaŋono. Bo baakaŋono mu toni ati, pasi ilumbu, mu tangu a kabili a byudya, Bayudaayo ba baakayambila Ibeleho, baakafumbasa bakwili ba bo ba bakaasu.

Looma 12:18

Tso benu litwali ukuhasa buuna, mu iteesi hi hyahwama na benu, baani mu hyenze na baatu boosi.

Looma 14:1

Yakaani muutu wu li wu akolo mu imiinu, hwavele usobosono munywa mu matsimi ma nde.

Looma 16:17

Me ndi mu upondo huli benu baana ba ngu, kebaani mu ba bali mu ubehe burandu husto libundu, na ba bali mu udungasa banga imiinu mu utuna ndongisili yi benu laayaka. Tahuhaani na bo,

Ngalaatiya 5:15

Ka tso benu lili mu udyata we bibulu, mu ubaakahasana tso ubaabakasana, buuna benu lafwana ukele: Benu sa limana mu udubasana.

Ngalaatiya 5:26

Bisu a liba banga a nyeme ve. Na lipala mu ipfu hi ubaasongosono. A liba kaka na linyungi benu na benu ve.

Filiipo 2:3

A lisa pasi dyambu na matsimi ma nyeme ve, buve mu nzala umonehele. Ka hutso a kulimini, mwesaani ti bana baakulala benu.

1 Tesalonika 5:13

Baamwesaani bo litondo na likiinzu li linene mu toni a kwadili a bo mu isalu. Baabaani mu hyenze ŋa hati la benu.

1 Tesalonika 5:15

Kebaani muutu a hafutala mamabi mu mamabi ve, ka mu pasi tangu, baasahaani libwe ŋa hati la benu, na ŋa hati la baatu boosi.

Yaki 1:20

Mu tonyi ati, kesi a muutu a yibaakuhasa litondo la Nzambi ve.

Yaki 3:14

Ka tso benu laaluula mu nyengi na mu livupu li mitsotso, nyahani umwese muyusu ti benu ni banga a dyele. A libiyasa imbuli mu upfuta hwa benu ve.

Yaki 5:9

Nyahani bikumini benu na benu baana ba ngu, kini Nzambi utsundasa benu. Mutsundisi amiikwateleme ŋa munywa a nzo.

1 Peetelo 3:11

Nde afwana ubaatahuha na bubi, nde afwana ubaavanga mamabwe, na nde afwana ubaasaha hyenze tangu yoosi.

1 Peetelo 4:9

Baayakasanaani mu manzo ma benu, hwavele uŋono.

Yude 1:16

Baatu mobaana a bubaaba na kinya ve, bo bali mu uŋono tangu yoosi mu idiingu hya bo. Bo bali mu udukala manzala ma linyungi la bo. Minywa mya bo mili mu upalisa mambu ma nyehe, ma usohese baatu mu ubaha kaluha.