Filiipo 2:11 - Musamu wu Mubwe

¹¹ Na boosi bayaabisa ti: «Yisu Kristo ni Pfumu, mu muyusu a Nzambi Taata.»

Filiipo 2:11 ပူးပေါင်းရင်းမြစ်များ

Luuka 2:11

Loloyi, hu bula bwa Davidi, bamiibutala benu Muyobili, ni nde Kristo, wu uli Pfumu.

Yowani 12:42

Tso buuna, babalahi ŋa hati li bakuutu ba Bayudaayo baasiidi imiinu mu Yisu. Ka mu toni Bafarisi, bo a baakasangula mo payalala ve, mana a babingasa bo mu nzo lisambulu yi Bayudaayo.

Yowani 13:13

Benu libaateele me “Mulongisi” na “Pfumu”, na benu lili na mbiinga, mu toni ati buuna ni bu me ndi.

Yowani 13:14

Ni mubuuna, tso me wu ndi Pfumu na Mulongisi a benu, me miitswaha benu miilu, benu kaka lafwana uswahasana miilu.

Yowani 14:13

Na byosi bi benu luuvondo mu nduhi a me, me tsa paanga byo, mana muyusu Taata amonehele mu Mwana.

Yowani 14:23

Yisu afutili nde bunuubu: «Tso muutu tondi me, nde akeelese mikuma mya me, na Taata a me sa atondo nde. Bisu sa liya huli nde, na bisu sa livanga nzo a bisu huli nde.

Yowani 17:1

Nde amana utoyo buuna, Yisu asimbuli miisu hu yulu na aleeli: «Taata, tangu yimiito. Yusa Mwana a we, mana Mwana a we kaka ayusa we!

Yowani 20:28

Tomasi afutili nde: «Pfumu a me na Nzambi a me!»

Yowani 5:23

Nde hasa buuna, mana boosi babaakiinza Mwana, we bu bo bali mu ukiinza Taata wu atsindaha nde. Mu toni ati, muutu wu avelekiinza Mwana, a hali mu ukiinza Taata ve.

Yowani 9:22

Bo baaleeli buuna mu toni ati bo baaba na boomo bu batumi ba Bayudaayo. Batumi ba Bayudaayo baayuhisini mu ubinga mu nzo lisambulu yi Bayudaayo, pasi muutu wu usilasa ti Yisu ni Kristo.

Mavanga 10:36

Nde atsindihi bilumbi bya nde huli bisu Isereli, mana bayayaabisa bo Musamu wu Mubwe wa hyenze mu Yisu Kristo. Ni nde wu uli Pfumu a baatu boosi.

Mavanga 2:36

Ni mu buuna, baatu boosi ba Isereli baafwana uyaba mu mbuli yoosi ti: Yisu wu benu laakomini ŋa kuruwa, Nzambi amiibyalisa nde Pfumu na Kristo.»

Looma 14:11

Mu toni ati ma Baasonehe ma Ngidi mali mu uleele bunuubu: «Me Pfumu wu li monyi ndi mu undeele bunuubu: Baatu boosi sa batsokomo ŋa busu bwa me, na boosi sa basiinga Nzambi ŋa misu ma baatu.»

Looma 14:9

Mu toni ati Kristo amiikwa, na nde amiisuuha ŋa hati la ba baakwa, mu uba Mutumi ŋa yulu a babaakwa na ba bali monyi.

Looma 15:9

Ni bumosi kaka, ba baavele Bayudaayo, bali mu uyusa Nzambi mu bubwe bwa nde, we bu ma Baasonehe ma Ngidi mali mu uleele: «Ni mu buuna, me tsa pa we muyusu ŋa hati li bibandu bikima bya ŋa toto, na me tsa nzimba mu toni muyusu a nduhi a we.»

1 Peetelo 1:21

Mu nde benu lili mu usa imiinu mu Nzambi wu asuula nde ŋa hati la babaakwa, na wu ava nde muyusu. Ni mu buuna, benu libaasa imiinu na hiitu mu Nzambi.

1 Yowani 4:15

Tso muutu li mu usiinga na li mu uta ibila ti: «Yisu ni Mwana a Nzambi!» Nzambi ubaakwilala mu nde na nde kaka ubaakwilala mu Nzambi.

1 Yowani 4:2

Mono buni benu luutwala uyaba nga Livupu la Nzambi. Pasi wu ubaasiinga ti Yisu Kristo mu mbuli baabuti mu musunya, nde wuuna li na Livupu la Nzambi.

2 Yowani 1:7

Me ndi mu undeele buuna, mu toni ati, bapfuti babalahi baamiitsamuha mu tsi yoosi. Bo a bali mu usilasa ve ti, Yisu Kristo ayidi ŋa tsi mu nyutu musunya. Baatu ba pila yiina, ni bapfuti na baboho ba Kristo.