Filiipo 2:1 - Musamu wu Mubwe

¹ Kristo li mu uva benu ibahala hi hyafulala. Litondo la nde libaava benu kwadisili na Livupu la nde libaatuunga itwadi hya benu. Benu laaluula mu litondo na kwili lingebe bana mu bana. A ni buuna ve?

Filiipo 2:1 ပူးပေါင်းရင်းမြစ်များ

Luuka 2:25

Hu musyenge a Yeruselemi hwaba na muutu mumosi, nduhi a nde Simeyoni. Nde aba wu asungama na nga likinzu ŋa busu bwa Nzambi. Nde akakeele muutu wu Nzambi hafwana utsindaha mu uyobolo bisu Isereli, na Livupu la Nzambi laaba ŋa yulu a nde.

Yowani 14:18

Me a hutsiisa benu we bitsaana ve, ka me tsa nza huli benu.

Yowani 14:27

«Me ndi mu utsiisa benu hyenze. Ni hyenze hya me, me ndi mu upa benu. Me a handi mu upa benu hyo, we bu baatu ba tsi bubaava ve. Nyaha mitima mya benu mivelehelene, na a liba na boomo ve.

Yowani 17:13

Na bunuubu, me ka mu unza huli we, na me ndi mu unzabisa mambu momanima bu me kini ŋa tsi. Me ndi mu unzabisa mo, mana bo baba na kinya yi yili na me, ni kinya yi yasupahana.

Mavanga 2:46

Pasi ilumbu, mu mutima mumosi, bo baakaba ŋa litandala la nzo a Nzambi. Bo baakakabasana byudya bya bo, mu itwadi mu manzo ma bo, na baakadya na kinya, mutima wu ayaluha.

Mavanga 4:32

Konge a banga a hiitu, yaba na matsimi mamosi, na mutima mumosi. A hwaba na muutu wu akaleele ti busina bwa nde, bwa nde siha ve. Ka byosi bi bo baaba na byo, aba bi itwadi.

Looma 5:5

Hiitu a hibaapfuta ve mu toni ati, Nzambi ayitili litondo la nde mutso mitima mya bisu, mu likumbasa li Livupu la Ngidi li nde haviidi bisu.

Looma 8:26

Bumosi kaka, Livupu la Ngidi libaaya mu ukumbasa bisu, mu toni ati, bisu lili na ikolili. Buuna, bisu a liyaabi usambila we bu hwafwana ve. Ka Livupu lo mwakulu libaasambila Nzambi mu toni a bisu na nzayiini, yi pasi muutu huveletwala uyaabisa.

Ngalaatiya 4:6

Mu toni ati, benu ni baana ba nde, Nzambi atsindihi mutso mitima mya bisu, Livupu la Mwana a nde, Livupu li libaafulaha: «Abba! Taata!»

Ngalaatiya 5:22

Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,

Filiipo 1:8

Nzambi yabi ti me atondo benu mu mutima a me woosi, we bu Kristo Yisu hatondo benu.

Filiipo 3:3

Bisu ni ba Nzambi ubaamono ti bisu laamilwata iliimbu hya ba Mukristo ba mbuli. A bo ve! Bisu lili mu uyusa Nzambi mu likumbasa li Livupu la nde. Bisu lili na nyeme mu Yisu Kristo, na hiitu hya bisu, a hili mu bi muutu hu utwala uvanga mu mifudi mya nde mwakulu ve.

1 Peetelo 1:2

Taata Nzambi atswamini usoolo benu, we bu huli matsimi ma nde. Nde miikitusa benu ibandu hya ngidi, mu likumbasa li Livupu la nde. Nde hasiidi buuna, mana benu lisiingala Yisu Kristo, na makila ma nde ma maapuhimi matsyemese benu. Nyaha Nzambi asyeme benu na ava benu hyenze hi hyafulala.

1 Yowani 3:24

Woosi wu ubaasiingala Mikele mya Nzambi, ubaakwilala mu Nzambi na Nzambi ubaakwilala mu nde. Mono buni bisu libaayaba ti Nzambi akwilala mu bisu: ni mu toni Livupu la nde li nde hava bisu.

1 Yowani 4:12

Muutu tso mumosi kini a hamoni Nzambi ve. Ni mu buuna, tso bisu libaatondosono, Nzambi ukwilala mu bisu, na litondo la nde laakuha mu bisu.

1 Yowani 4:16

Mono buni bisu luuyaaba ki litondo li Nzambi hatondo bisu. Nzambi ni litondo, na woosi wu ubaakwilala mu litondo, ubaakwilala mu Nzambi, na Nzambi kaka ubaakwilala mu nde.