Filiipo 1:8 - Musamu wu Mubwe

⁸ Nzambi yabi ti me atondo benu mu mutima a me woosi, we bu Kristo Yisu hatondo benu.

Filiipo 1:8 ပူးပေါင်းရင်းမြစ်များ

Luuka 1:78

Nzambi a bisu usa buuna, mu toni bunene bu lingebe la nde. Litondo moliina lu uba we ŋa nyangu ubaapala hu yulu, na umwedeme ŋa yulu a bisu.

Looma 1:9

Nzambi wu me ndi mu utsalila mu mutima a me woosi, mu uyabisa benu Musamu wu Mubwe wu li mu utala Mwana a nde, yabi ti me ndi mu undeele imbuli: Me a umbaakolo mu utangula benu ve.

Looma 9:1

Ma me ndi mu undeele mali ma mbuli. Me a handi mu upfuta ve, mu toni ti me ndi itwadi na Kristo. Iluunzi hya me, itwadi na Livupu la Ngidi hili mu utiila me imbangi:

Ngalaatiya 1:20

Nzambi li mbangi a me! Bu me ndi mu utsonehele benu mambu momanima, me a handi mu upfuta ve.

Ngalaatiya 3:26

Mu tangu moyiniyi, benu boosi laaka baana ba Nzambi mu imiinu mu Yisu Kristo.

Ngalaatiya 4:19

Baana ba me, we mukaasu nga misoongo, me ndi mu umbwemono misoongo mu benu, we me wu li mu ubwebuta benu. Misoongo momiina myukwilala nate bu Kristo huuba monyi mu benu.

Filiipo 2:1

Kristo li mu uva benu ibahala hi hyafulala. Litondo la nde libaava benu kwadisili na Livupu la nde libaatuunga itwadi hya benu. Benu laaluula mu litondo na kwili lingebe bana mu bana. A ni buuna ve?

Filiipo 2:26

Ni mu buuna, nde li na lehemene li ubwemono benu boosi. Na nde li na mutima lehehe, bu nde hayuhi ti baamiiyabisa benu tsangu bubeedu bwa nde.

Filiipo 4:1

Ni mu buuna, baana ba ngu ba litondo, me na lehemene li ubwemonono na benu! Benu lili kinya a me na mutata a me wa monyi. Benu ba lili bambahi ba me, kwilalaani ba baakangama mu Pfumu.

1 Tesalonika 2:5

Benu layaaba lo bubwe, bisu a libaasalila lipedi tso hoole ve. Bisu kaka a lili mu uswehe manzala ma mapfuta humbisa a ma bisu lili mu uleele ve. Nzambi nde mwakulu li mbangi a bisu.

1 Tesalonika 2:8

Bisu laatondo benu mu itesi hi ulongese benu Musamu wu Mubwe wa Nzambi. Litondo moliina laamiivangimasa bisu mu uva kaka muvumu a bisu mwakulu. Benu laaba na talu yi yafulala ŋa busu bwa bisu!

2 Timoteho 1:4

Me ndi mu unzibwala monyi mu matsanga ma we, na me na lehemene li ubwemono we, mana me ndula mu kinya.

Filemoni 1:12

Bunuubu, me ndi mu upfutala we nde. Nde wu aka we mutima a me.

Filemoni 1:20

Eye, mwana a ngu a me, kumbasa me mu musamu mowunuwu mu litondo la Pfumu. Hwadisa mutima a me mu itwadi na Kristo.

1 Yowani 3:17

Tso muutu li na busina bu bulahi, na li mu ukama mutima ŋa busu bwa mwana a ngu a nde wu avele na hi ufuuhala, buni muutu mowuuna hutwala ubinuha ti nde atondo Nzambi?