Filiipo 1:5 - Musamu wu Mubwe

⁵ Me umbaatsambila na kinya, mu toni ati, benu laakumbisi me, mu uyabisa Musamu wu Mubwe, umata ilumbu hya tsomi, nate bunuubu.

Filiipo 1:5 ပူးပေါင်းရင်းမြစ်များ

Mavanga 2:42

Bo baakahwada mu ubaayuha tangu yoosi ndongisili bilumbi, mu ubaatsahala mu itwadi na bana, mu ubaadya na ubaasambila mu itwadi.

Looma 11:17

Isereli hili we muti a olive wu Nzambi amiikese bitabi bikima. Ŋa mbuha a byo, baamiikatisa we, we wu avele Muyudaayo. Baamiikatisa we, we itabi hi muti a olive wa piinda. Bunuubu, we ka mu ubahila mu malimbu ma mali mu ukuma mu linganzi li muti a olive.

Looma 12:13

Baakumbasaani baana ba ngu ba bali na nzala likumbasa, na baayakaani bubwe tangu yoosi, ba bali mu uya mu manzo ma benu.

Looma 15:26

Eye, mabundu ma Masedonya na ma Akayi, maakese mu ukukaha bungodu bwa bo, bu ukumbasa ba nga puumbu ba libundu la Yeruselemi.

Filiipo 1:12

Baana ba ngu, me tondi uyaabisa benu ti mambu ma maayiili me, ni ma maasiidi ti Musamu wu Mubwe ayabaana mu mambuha moosi.

Filiipo 1:16

Bo baniiba, bali mu usa buuna, mu toni ati, bo baatondo me. Bo bayabi ti me ndi mu kondaayi, mu uvolele Musamu wu Mubwe milembe.

Filiipo 1:27

Pasi bu buuyiila, dyataani we bu hwayelemene na Musamu wu Mubwe wa Kristo. Tso me nzidi, tso me pelinza, me mbanzuha babaaleele ti, benu laavangama mu matsimi mamosi, na lili mu usala itwadi mu mutima mumosi, mu ulwanila Musamu wu Mubwe wu bisu laayaki.

Filiipo 1:7

Hu li tsiitsa ti, me mba na matsimi ma bunuubu mu toni a benu boosi. Me ndi mu utondo benu mu mutima a me woosi. Mu toni ati, benu laakumbisi me mu isalu hi Nzambi havidi me, mu hyese hya nde. Benu laakumbisi me ŋa me ambedi bunyanga, mu ulwanila Musamu wu Mubwe, na uyabisa nde na mifudi myosi. Benu a laasuki ŋaana ve, ka benu laakumbisi me kaka nate mu tangu moyiniyi, yi me ndi mu mapanga.

Filiipo 2:12

Ni mu buuna, bambahi ba me ba litondo, benu laakasiingala ndongisili a me, ŋa me ambedi ŋa hati la benu. Ka bunuubu, singalaani yo bu hwafulala, tso me peli ŋa hati la benu. Mu mavanga ma benu, mu boomo na likamba, mwesaani ti benu laamiiyoboho.

Filiipo 2:22

Benu liyabi benu mwakulu, bu Timoteho hamwesi buni nde haba na tsongo mu isalu, we mwana ŋa pedu a taata a nde. Nde asali itwadi na me we ngamba, mu ulongese Musamu wu Mubwe.

Filiipo 4:3

We kaka mbahi a me wa tangu yoosi, me pondi we mu ukumbasa bakaasu baboole baniiba, ba baalwani na me mu mifudi mu uyabisa Musamu wu Mubwe. Me a handimbili Kelema na bambahi ba me bakima ve, ba manduhi ma bo basonehe mu Muhanda a Monyi.

Filemoni 1:17

Buuna, tso we li wu abambana na me, yaka nde we bu we uyaka me mwakulu.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

1 Yowani 1:3

Bisu lili mu ulongese benu ma bisu laamoni na laayuhi. Bisu luulongese benu mo, mana benu kaka liba ba baakangama na bisu mu itwadi hi bumwana bu bungu, hi bisu lili na hyo na Taata Nzambi na Mwana a nde Yisu Kristo.

1 Yowani 1:7

Ka tso bisu lili mu udyata mutso liyalala we bu nde mwakulu Nzambi ali mutso liyalala, bisu lili itwadi bana na bana. Na makila ma Mwana a nde Yisu, mali mu utsyemese bisu mu masumu moosi.