Filiipo 1:27 - Musamu wu Mubwe

²⁷ Pasi bu buuyiila, dyataani we bu hwayelemene na Musamu wu Mubwe wa Kristo. Tso me nzidi, tso me pelinza, me mbanzuha babaaleele ti, benu laavangama mu matsimi mamosi, na lili mu usala itwadi mu mutima mumosi, mu ulwanila Musamu wu Mubwe wu bisu laayaki.

Filiipo 1:27 ပူးပေါင်းရင်းမြစ်များ

Mavanga 2:46

Pasi ilumbu, mu mutima mumosi, bo baakaba ŋa litandala la nzo a Nzambi. Bo baakakabasana byudya bya bo, mu itwadi mu manzo ma bo, na baakadya na kinya, mutima wu ayaluha.

Mavanga 24:24

Mwa bilumbu bu byavyohi, Mutumi Felikisi ayidi na mukadi a nde Durusiile, wu aba Muyudaayo. Nde atsindihi baatu mu ubehele nde Pahuli. Nde ayuhi ma Pahuli haba na mo, mu uyabisa mu tsiili a hiitu mu Yisu Kristo.

Mavanga 4:32

Konge a banga a hiitu, yaba na matsimi mamosi, na mutima mumosi. A hwaba na muutu wu akaleele ti busina bwa nde, bwa nde siha ve. Ka byosi bi bo baaba na byo, aba bi itwadi.

Looma 1:16

Me a handi na tsonyi mu uyaabisa Musamu wu Mubwe ve, mu toni ati, Musamu wu mubwe ni matwala ma Nzambi ali mu usalila, mu uyobolo pasi nde wu li mu usiila nde imiinu. Hati a tsomi mu Bayudaayo, titswene mu Bangeleke.

Looma 1:5

Ni mu toni a Yisu, Nzambi haviidi me hyese hyuba ilumbi hya nde. Mu ubita baatu ba bibandu byosi, mana basiila nde imiinu na basiingala nde.

Looma 1:9

Nzambi wu me ndi mu utsalila mu mutima a me woosi, mu uyabisa benu Musamu wu Mubwe wu li mu utala Mwana a nde, yabi ti me ndi mu undeele imbuli: Me a umbaakolo mu utangula benu ve.

Looma 10:8

Nde buni ali mu uleele? Bunuubu: «dyambu labaambana na we, mu munywa na mu mutima a we» (mbindulili ni ti: liina ni dyambu li imiinu li bisu libaalongese).

Looma 15:16

mu uba musalili a Yisu Kristo huli ba baavele Bayudaayo. Me ndi mu utsa isalu hya nganga a Nzambi, hi uyabisa Musamu wu Mubwe a Nzambi, mana ba baavele Bayudaayo bakituha bungodu bu bubwe, bu Nzambi husilasa, bu baamiisyeme mu matwala ma Livupu la Ngidi.

Looma 15:29

Na me nzabi ti ŋa me unziila benu, ni na lisyeme la Kristo li lafulala me unza.

Ngalaatiya 1:7

Ka, a huli na Musamu wu Mubwe mukima ve. Bunuubu, huli na baatu ba bali mu usa muyungisi ŋa hati la benu, na ba batondi usobo Musamu wu Mubwe wa Kristo.

Filiipo 1:5

Me umbaatsambila na kinya, mu toni ati, benu laakumbisi me, mu uyabisa Musamu wu Mubwe, umata ilumbu hya tsomi, nate bunuubu.

Filiipo 2:12

Ni mu buuna, bambahi ba me ba litondo, benu laakasiingala ndongisili a me, ŋa me ambedi ŋa hati la benu. Ka bunuubu, singalaani yo bu hwafulala, tso me peli ŋa hati la benu. Mu mavanga ma benu, mu boomo na likamba, mwesaani ti benu laamiiyoboho.

Filiipo 2:24

Me ndi na hiitu mu Pfumu, ti tso Nzambi tondi, me mwakulu kaka unzaamono benu.

Filiipo 3:18

Ka, babalahi bali mu uvelesiisa mbiili a bo yimbi. Bo bali mu umonehele bambene ba Kristo wu akwidi ŋa muti. Me akandeele benu lo tangu yoosi. Ka bunuubu, me mbwendeele benu lo na bililu.

Filiipo 3:20

Ka mu bisu, bisu baatu ba Ipfumu hi mayulu. Bisu lili mu usinzakeele nziili a Pfumu Yisu Kristo, mu uyayobolo bisu.

Filiipo 4:1

Ni mu buuna, baana ba ngu ba litondo, me na lehemene li ubwemonono na benu! Benu lili kinya a me na mutata a me wa monyi. Benu ba lili bambahi ba me, kwilalaani ba baakangama mu Pfumu.

1 Tesalonika 3:6

Ka bunuubu, Timoteho miiyafutahala bisu, na nde ava bisu matsangu mamabwe mu toni imiinu hya benu na litondo la benu. Nde ayabisa bisu, ti benu a laakolo mu utsima bisu na litondo loosi ve. Na ti benu lili na nzala mu ubwemono bisu, we bu bisu kaka lili na nzala ubwemono benu.

1 Tesalonika 4:1

Hutsyelele, benu laayihi huli bisu mbiili yi benu lafwana uba na yo mu ubaamwese Nzambi kinya. Eye, benu laaka na mbiili moyiina. Ka bunuubu, bisu livondi na litumi benu mu ubaafulala usa buuna mu nduhi a Yisu. Vangaani bu hwafulala maana!

1 Timoteho 1:11

Ndongisili moyiniyi, yayelemene na Musamu wu Mubwe wu baaviidi me, wu ubaamata huli Nzambi Nga Muyusu.

1 Timoteho 1:19

Kelese imiinu hya we na matsimi mamabwe. Bakima baamiitimba matsimi ma bo, na imiinu hya bo hyamiiyene mu nyamba.

2 Timoteho 4:7

Me miindwana mudiingu we bu hwafwana mu ulwana. Me miitsukasa tiinu a me na me miikeelese imiinu.

Tiite 2:10

na uveleyibala bo pasi isiha. Ka baviha bafwana umonehele tangu yoosi, basalili bababwe. Moosi ma bo buupalisa, bo baafwana uvangimasa mo. Bo bavanga buuna, baatu sa bava muyusu mu mambu ma bisu libaalongese mu Nzambi Muyobili a bisu.

Filemoni 1:5

Mu tonyi ati, me ndi mu unzuha tsangu yi litondo li we li mu umwese huli bangidi boosi, na yi imiinu hya we mu Pfumu Yisu.

Yaki 3:18

Boosi ba bubaatondo hyenze ŋa hati la bo, bubaapalisa mbutu a hyenze na bubaakukaha mavanga mamabwe.

2 Peetelo 3:11

Mu toni ati bisiha byosi sa bidimbala, yabaani buni benu lafwana mu udyata! Mbiili a benu yafwana uba ya ngidi na yi Nzambi hatondo.

2 Peetelo 3:14

Ni mu buuna, bambahi ba litondo, bu lili mu ukeele ilumbu mohiina, hwadaani mu uba babaatsyeme. Baani babaavele masyembo ŋa busu bwa Nzambi, mu hyenze hi nde ali mu uva.

Yude 1:3

Bambaahi ba me ba litondo, me amba na lehemene li lafulala mu usonehele benu muhanda, mu tonyi itwadi hi liyobolo la bisu a benu. Me moni ti, me apfwana usonehele benu nde, mu uhwadisa benu mu ulwana mu tonyi a hiitu hi Nzambi haviidi va limosi, huli bisu a benu baatu bangidi.