Filiipo 1:25 - Musamu wu Mubwe

²⁵ Ni mu buuna, me ndi na hiitu mu liina, na me nzaabi ti, me ukwilala ŋa hati la benu boosi, mu ukumbasa benu. Mana benu likula, na benu liba na kinya mu imiinu.

Filiipo 1:25 ပူးပေါင်းရင်းမြစ်များ

Luuka 22:32

Ka me atsambili mu we, mana hiitu hya we mu Nzambi, hiveletsuda. Na ŋa we uyafutaha huli me, hwadisa baana ba ngu a we.»

Mavanga 11:23

Bu nde hayato huuna, nde amoni buni Nzambi hasyemi ba baasiili nde hiitu. Nde amoni kinya na ahwadisi bo boosi mu ukangama na hiitu hyosi mu Pfumu.

Mavanga 14:22

Bo baakahwadisa mitima mi bayihi, na baakatuma bo mu uteleme mu imiinu mu Nzambi. Bo baakaleele: «Bisu laafwana ubwana na mapasi mamalahi, tswamina mu ukoto mu Ipfumu hya Nzambi.»

Mavanga 20:25

«Bunuubu, me nzaabi bubwe ti, benu boosi ba me andongisi Ipfumu hya Nzambi, tso mumosi a hubwemono me ve.

Looma 15:13

Nyaha Nzambi wu ubaava hiitu, aluusa benu mu kinya na mu hyenze bi byakuha mu imiinu hya benu mu nde. Mana benu liluula mu hiitu hi matwala ma Livupu la Ngidi.

Looma 15:18

Ka tso me utwala undeele dyambu, ndulu ni mu li Kristo hasalila mu me, mu ubehe ba baavele Bayudaayo mu usiingala Nzambi. Nde hakuhasa lo, mu mambu ma maapala mu munywa a me na mu mavanga ma me,

Looma 15:29

Na me nzabi ti ŋa me unziila benu, ni na lisyeme la Kristo li lafulala me unza.

Looma 5:2

Mu toni imiinu hya bisu mu nde, bisu lili na muswa mu ubaha hyese hi bisu luukwilala ba baavangama mu hyo. Na bisu lili na kinya, bu bisu lili na hiitu mu ukabasana muyusu a Nzambi.

Filiipo 1:24

Ka hwafulala talu huli me, mu uba monyi ŋa toto moyiniyi, mu toni a benu.

Filiipo 2:24

Me ndi na hiitu mu Pfumu, ti tso Nzambi tondi, me mwakulu kaka unzaamono benu.

Filemoni 1:22

Titswene, vangila me itini hya nzo hi ubwamina. Me ndi na hiitu ti mu tonyi masambulu ma benu, me tsa nzapfutahala benu.

1 Peetelo 1:8

Benu laatondo Yisu, tso bu benu laavelemono nde. Benu libaasiila nde imiinu, tso bu benu laamaavelemono nde. Ni mu toni imiinu hya benu mu nde, benu lili mu kinya yi yafulala, yi muyusu, yi bu uveletwala uyelemese.