Filiipo 1:13 - Musamu wu Mubwe

¹³ Ni mu toni a maana, masadaadu moosi ma mu ubaakelese pfumu a tsi a Looma, na bakima boosi, bayaba ti me ndi mu kondaayi, bu me umbaatsalila Kristo.

Filiipo 1:13 ပူးပေါင်းရင်းမြစ်များ

Mavanga 26:29

Pahuli aleeli: «Tso mu mawasa ma, tso hu busu, me ndi mu utsaambila Nzambi, mana benu boosi ka lisiingama mu nde. Peyu a me ni ti, benu boosi ba lili mu uyuha me loloyi, likituha we me, hwavele mapanga momanima!»

Mavanga 26:31

Na bu bo baayeni, bo baakalelesene: «Bahala molinili a hasa pasi dyambu li lu uva nde lipfu, tso ukotese nde mu kondaayi ve.»

Mavanga 28:17

Bilumbu bitatu bu byavyohi, Pahuli atsihi bakuutu ba Bayudaayo ba hu musyenge a Looma. Bo baayakuukama huli nde mu uyuhala nde. Pahuli aleeli bo: «Baana ba ngu, me a hatsa pasi dyambu lilibi ŋa busu bwa buli la bisu a benu ve, tso unyanza bipfu bi bataata ba bisu a benu. Ka baakangi me hu Yeruselemi hwavele a toni, na baayehuli me ŋa myoho mi bakuutu ba Looma.

Mavanga 28:20

Ni mu buuna, me miipondo mu umono benu, na mu umoho na benu. Nyaha me ndeele benu. Ni mu toni a muutu mowuna, wu Isereli ubaasa hiitu, me ndi mu umbita mapanga momanima.»

Mavanga 28:30

Pahuli atsahili bilima byole bi bitindala mutso a nzo yi nde hayakoto mu tsoombi. Nde akayaka boosi ba baakayamono nde.

Filiipo 1:30

Bunuubu, we bu benu liyabi, mudiingu wu benu lili mu ulwana, ni nde mumosi wu benu laamoni me mu ulwana hu tsomi, na wu me kini mu umbwendwana.

Filiipo 1:7

Hu li tsiitsa ti, me mba na matsimi ma bunuubu mu toni a benu boosi. Me ndi mu utondo benu mu mutima a me woosi. Mu toni ati, benu laakumbisi me mu isalu hi Nzambi havidi me, mu hyese hya nde. Benu laakumbisi me ŋa me ambedi bunyanga, mu ulwanila Musamu wu Mubwe, na uyabisa nde na mifudi myosi. Benu a laasuki ŋaana ve, ka benu laakumbisi me kaka nate mu tangu moyiniyi, yi me ndi mu mapanga.

Filiipo 4:22

Bangidi boosi ba musyenge mowunuwu, bamiitsindaha benu mabwehe, fula-fula ba bali mu usala mu nzo a Kayisaali, pfumu a tsi a Looma.

2 Timoteho 2:9

Ni mu toni a Musamu wu Mubwe wunuwu, me ndi mu umono pasi. Mu nde, baamiihada me mapanga we mudubi a baatu. Ka a mambu ma Nzambi bahada mapanga ve.