Filiipo 1:12 - Musamu wu Mubwe

¹² Baana ba ngu, me tondi uyaabisa benu ti mambu ma maayiili me, ni ma maasiidi ti Musamu wu Mubwe ayabaana mu mambuha moosi.

Filiipo 1:12 ပူးပေါင်းရင်းမြစ်များ

Luuka 21:13

Sa huba huli benu nzila yi uta imbangi mu nduhi a me.

Mavanga 8:4

Banga hiitu ba baatsamuhi baakataangila tsi, na ubaayabisa Tsangu yi Mbwe.

Looma 8:28

Bisu liyaabi ti pasi bisiha bibaavangama mu libwe la ba baatondo Nzambi, na ba nde hateele we bu huli kesili a nde.

Looma 8:37

Ka mu mambu momaana moosi, bisu laafulala mbiingili mu toni a nde wuuna wu atondo bisu.

Filiipo 1:5

Me umbaatsambila na kinya, mu toni ati, benu laakumbisi me, mu uyabisa Musamu wu Mubwe, umata ilumbu hya tsomi, nate bunuubu.

Filiipo 1:7

Hu li tsiitsa ti, me mba na matsimi ma bunuubu mu toni a benu boosi. Me ndi mu utondo benu mu mutima a me woosi. Mu toni ati, benu laakumbisi me mu isalu hi Nzambi havidi me, mu hyese hya nde. Benu laakumbisi me ŋa me ambedi bunyanga, mu ulwanila Musamu wu Mubwe, na uyabisa nde na mifudi myosi. Benu a laasuki ŋaana ve, ka benu laakumbisi me kaka nate mu tangu moyiniyi, yi me ndi mu mapanga.

Filiipo 2:22

Benu liyabi benu mwakulu, bu Timoteho hamwesi buni nde haba na tsongo mu isalu, we mwana ŋa pedu a taata a nde. Nde asali itwadi na me we ngamba, mu ulongese Musamu wu Mubwe.

Filiipo 4:15

We bu benu mwakulu liyabi, benu bisu Filiipo, mu tangu yi me ambaandihi ulongese Musamu wu Mubwe, ŋa me apali mu itanzi hya Masedonya, libundu tso limosi a laakumbisi me ve. Ndulu ni benu laakatsimala me, mu mapasi ma me na mu makinya ma me.

Filiipo 4:3

We kaka mbahi a me wa tangu yoosi, me pondi we mu ukumbasa bakaasu baboole baniiba, ba baalwani na me mu mifudi mu uyabisa Musamu wu Mubwe. Me a handimbili Kelema na bambahi ba me bakima ve, ba manduhi ma bo basonehe mu Muhanda a Monyi.

1 Timoteho 2:8

Ni mu buuna, me tondi ti babahala babaasambila kindi mbuha, na ubaasyenolo myoho mi myatsyeme, hwavele a kesi na bileedi.

2 Timoteho 2:9

Ni mu toni a Musamu wu Mubwe wunuwu, me ndi mu umono pasi. Mu nde, baamiihada me mapanga we mudubi a baatu. Ka a mambu ma Nzambi bahada mapanga ve.

2 Timoteho 4:17

Ka Pfumu ni wu avolili me milembe. Nde aviidi me mifudi, mana me twala uyabisa bo Musamu wu Mubwe, mana baatu ba matsi ma bangoyi kaka bayuha nde. Na nde ayobili me mu munywa a kosi.