Filiipo 1:10 - Musamu wu Mubwe

¹⁰ Ni buuna, benu luuyaba usilasa ndyatili yimbwe. Benu luuba banga imbuli na ba baavele na masyembo, mu ilumbu hya nziili a Kristo.

Filiipo 1:10 ပူးပေါင်းရင်းမြစ်များ

Yowani 1:47

Bu Yisu hamoni Natanayeli mu uyiila nde, nde aleeli nde: «Me lolo moni musi Isereli wa mbuli a mbuli. Bahala molinili kaka utwala upfuta!»

Yowani 3:20

Pasi muutu wu ubaavanga mamabi abelele liyalala, na nde ubaatahuha na lo. Nde ubaasa buuna, mana mavanga ma nde mamabi a mayabaana.

Mavanga 24:16

Ni mu buuna, me ndi mu utsa mifudi mu uveleba na dyambu lilibi hutso mutima a me, ŋa busu bwa Nzambi, na ŋa busu bwa baatu.»

Looma 12:2

A liduukala bipfu bya baatu ba tsi moyiniyi ve. Ka nyahaani Nzambi akitusa benu na uva benu buyedi bubunyatihi. Na benu sa litsikaha litondo la Nzambi: ma mabwe, ma nde hatondo, na ma masupahana.

Looma 12:9

Nyaha litondo liba li laavele muwala. Belelaani bubi, kangamaani mu mamabwe.

Looma 16:17

Me ndi mu upondo huli benu baana ba ngu, kebaani mu ba bali mu ubehe burandu husto libundu, na ba bali mu udungasa banga imiinu mu utuna ndongisili yi benu laayaka. Tahuhaani na bo,

Looma 2:18

We yaabi litondo la Nzambi, na Mikele mili mu ulongese we mu usoolo mamabwe ma muutu huutwala uvanga.

Looma 7:16

Tso me umbaapanga mambu ma me apeletondo, buuna me ndi mu utsiinga ti Mikele mili mi mibwe.

Looma 7:22

Hutso matsimi ma mutima a me, me ndi na kinya mu matumili ma Nzambi.

Looma 8:7

Boosi ba bali hutsina lituma li manzala ma imuutu, bali baboho ba Nzambi. Mu toni ati, bo a bubaasiingala Mikele mya Nzambi ve, na a bubaatwala tso hoole ve.

Ngalaatiya 5:11

Ka mu ma mamiitala me, baana ba ngu, tso me ndi mu undoongese ketili, mu ki toni bali mu ubwetsuta me? Tso ni mu buuna, me undongese maana, musamu lipfu la Yisu ŋa muti, utwala ubwekubasa pasi muutu baku ve.

Filiipo 1:16

Bo baniiba, bali mu usa buuna, mu toni ati, bo baatondo me. Bo bayabi ti me ndi mu kondaayi, mu uvolele Musamu wu Mubwe milembe.

Filiipo 1:6

Me ndi na hiitu ti: Nzambi wu abaandihi usa isalu hi hibwe ŋa hati la benu, ukwilala mu ubaasa hyo, nate hu tsukusu, mu ilumbu hi Kristo Yisu hu uyafutaha.

Filiipo 2:16

mu uyabisa bo Musamu a monyi. Saani buuna, ilumbu hi Kristo huuya, me umba na nyeme mu benu mu toni ati, me a hatsali tso umono pasi mu pu ve.

1 Tesalonika 3:13

Nyaha nde ahwadisa mitima mya benu, mana benu liba bangidi, ba baavele masyembo ŋa busu bwa Nzambi taata bisu, ŋa Pfumu a bisu Yisu huuya na bapofi ba nde boosi. Amen!

1 Tesalonika 5:21

Ka baakengesaani pasi dyambu, baakangaani ma mali mamabwe.

1 Tesalonika 5:23

Nyaha Nzambi wu li suhu la hyenze, akuhasa bungidi bwa nde boosi mu benu. Na nde akeelese benu we bu hwafwana: ilunzi hyosi, muvumu woosi na nyutu yoosi bya benu, biveleba na masyembo mu ilumbu hya nziili a Pfumu a bisu Yisu Kristo.

1 Yowani 4:1

Bambahi ba litondo, a lisiingala pasi livupu ve. Baatsikahani mavupu, mana benu liyaba ki livupu lili mu umata huli Nzambi. Mu toni ati, mimbihuli mi mapfuta mimilahi myamiitsamuha mu tsi.