Filiipo 1:1 - Musamu wu Mubwe

¹ Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

Filiipo 1:1 ပူးပေါင်းရင်းမြစ်များ

Yowani 12:26

Tso muutu tondi usalila me, nyaha nde aduukala me. Ni mubuuna, ŋa me ndi, musalili a me sa aba na me, na Taata a me sa ayusa nde.»

Mavanga 1:20

Buuna baasonehe mu Mikuunga mya Davidi: “Nyaha nzo a nde babungasana yo, na tso muutu mumosi a hatsahala mu yo ve!” Na baabwesonehe: “Muutu mukima akiisana ŋa isalu hya nde.”

Mavanga 20:28

Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu.

Mavanga 9:13

Ananya afutili: «Pfumu, baatu ba balahi baabehele me tsangu a muutu mowunuwu na uyabisa mamabi ma nde ali mu uvangila ba we bangidi babali hu musyenge a Yeruselemi.

Looma 1:1

Ni me Pahuli, musalili a Yisu Kristo, ndi mu utsonehele benu. Nzambi ateele me mu uba ilumbi, na nde asoolo me mu uyaabisa Musamu wu Mubwe.

Looma 1:7

Me ndi mu utsonehele huli benu boosi ba lili hu Musyenge a Looma, benu ba Nzambi hatondo, ba nde hamiiteele mu uba bangidi. Nyaha Nzambi Taata, na Pfumu a bisu Yisu Kristo, bava benu hyese na hyenze.

Ngalaatiya 1:10

Na bunuubu, benu litsimi ti me ndi mu utsaha ti baatu basilasa me? Naana! Nzambi ni wu afwana usilasa me. Benu lili mu utsima ti me na nzala umonehele wu mubwe ŋa hati la baatu? Naana! Tso me ndi mu utsaha ti baatu bakubala me tsambi, me a hakiimba musalili a Kristo ve.

Ngalaatiya 3:26

Mu tangu moyiniyi, benu boosi laaka baana ba Nzambi mu imiinu mu Yisu Kristo.

Ngalaatiya 3:28

A husaali na lisobosono ŋa hati li Muyudaayo na Mungeleke ve, ŋa hati li muviha na wu li bunyanga, ŋa hati li mukaasu na bahala. Benu boosi laaka mumosi mu Yisu Kristo.

Filiipo 2:19

Me ndi na hiitu mu Yisu Kristo ti, me utsindahala benu Timoteho mawasa-mawasa, me ukwada bu me unzaka matsangu ma benu.

Filiipo 2:5

Dyataani ŋa hati la benu, na matsimi ma baatu ba baakangama mu Yisu Kristo:

Filiipo 3:12

Me a handi mu undeele ve ti me amiinzaka musyendo, buve ti me amiito mu itesi hya muutu wu akuha. Me ndi mu ukwaada mu tiinu, mana me mbaha musyendo mowuuna. Mu toni ati, Yisu Kristo nde mwakulu amiibuuna me.

Filiipo 3:3

Bisu ni ba Nzambi ubaamono ti bisu laamilwata iliimbu hya ba Mukristo ba mbuli. A bo ve! Bisu lili mu uyusa Nzambi mu likumbasa li Livupu la nde. Bisu lili na nyeme mu Yisu Kristo, na hiitu hya bisu, a hili mu bi muutu hu utwala uvanga mu mifudi mya nde mwakulu ve.

Filiipo 3:8

Mu mbuli, me ndi mu umono bisiha mo biniibi byosi, bi byavele na kaluha. Mu toni ati, busina bu bwafulala kaluha, ni nzaabili a Yisu Kristo Pfumu a me. Mu toni a nde, me atsiinga utimba biina byosi bi byavele na kaluha, mana me mbuuna Kristo. Eye, me ndi mu umono byo we bya nzododo mu me.

1 Tesalonika 1:1

Ni me Pahuli, itwadi na Silaasi na Timoteho, ndi mu utsindaha muhanda mo wunuwu huli libundu la bisu Tesalonika, li lili mu Nzambi Taata na mu Pfumu Yisu Kristo. Lisyeme na hyenze biba na benu.

1 Tesalonika 2:2

Ka benu liyabi kaka ti bisu laayaka bituhi na laamono pasi hu musyenge a Filipo. Ka Nzambi ahwadisa mana bisu lilongese Musamu a nde wu Mubwe, hutso a mbingisili.

2 Tesalonika 1:1

Me Pahuli, Silaasi na Timoteho, lili mu ubila libundu la bisu Tesalonika, la Nzambi Taata a bisu na Pfumu Yisu Kristo.

2 Tesalonika 1:10

Maana sa mavangama ŋa nde huya mu uyaka muyusu ŋa hati la ba nde boosi. Ba bali mu usa imiinu mu nde, sa baba hutso a kimwili na minywa bwasi. Benu sa liba ŋa hati la bo, mu toni ati benu laasa imiinu mu ndongisili a bisu.

1 Timoteho 1:2

Me ndi mu utsonehele huli we Timoteho. We li mwana a me mwakulu, mu hiitu hya we mu Kristo. Nyaha Nzambi Taata na Kristo Yisu Pfumu a bisu, bava we hyenze, bakwila we lingebe na uva we hyese.

1 Timoteho 3:8

Bakeelisi ba libundu kaka, ni bumosi, baafwana uba baatu banga likinzu, na banga imbuli. Bo utwala ukoto mutso a nywili malamu yinono ve, na mu mbahili a mbongo ya tsonyi ve.

Tiite 1:1

Me Pahuli ndi mu utsonehele we muhanda mowunuwu. Ni me ndi muviha a Nzambi na ilumbi hya Yisu Kristo. Nzambi amiiva me isalu mu ubita baatu ba nde hamiisoolo, mu nzila imiinu. Nzambi amiiva me ka isalu hi uyabisa bo imbuli hi hyafwana, mana bo badyata mu mbiili ya ba baakinza Nzambi.

Tiite 1:7

Pasi mukuutu libundu, ahwama na mupfuna a mambu ma Nzambi. Nde afwana ubaaba muutu wu avele na masyembo. Nde utwala uba nga isaayi tso nga makesi ve. Nde utwala uba ikolo-mbungu, tso nga bisongi, tso nga ngaabi.

Filemoni 1:1

Me Pahuli, ikondaayi hya Kristo Yisu, na mwana a ngu Timoteho, lili mu usonehele muhanda mowunuwu huli Filemoni, tsyengi a bisu wu litondo.

Yaki 1:1

Me Yaki, musalili a Nzambi na wa Pfumu Yisu Kristo, ndi mu upa bwehe huli bibandu kumi na byole, bi byatsamuha mu matsi moosi.

1 Peetelo 2:25

Mu toni ati, benu laabeedi we «mameme ma maadimbala». Ka bunuubu, benu limiifutaha huli Mubungili a benu, na Keedi mivuumu mya benu.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

Yude 1:1

Me Yude, muviha a Yisu Kristo na mwana a ngu a Yaki. Me ndi mu utsonehe muhanda mowunuwu, huli boosi ba Taata Nzambi hateele, ba nde hatondo na ba nde ubaakeelese mu Yisu Kristo.