2 Timoteho 2:2 - Musamu wu Mubwe

² Buuna, ndongisili yi we ayuhi huli me, ŋa busu bu bambangi babalahi, tosele yo huli baatu ba lisunga, mana bo kaka batwala ulongese yo huli bakima.

2 Timoteho 2:2 ပူးပေါင်းရင်းမြစ်များ

Luuka 12:42

Pfumu afutili: «Mukuutu basalili wu asungama na nga tsiki ni na? Ni muutu wu Pfumu hasuusala mutima a nde mu ubakeelese basalili, mana nde abaava pasi muutu mu tangu yi yafwana kabu la byudya.

1 Timoteho 1:12

Me ndi mu upfutala matondo huli Yisu Kristo Pfumu a bisu, wu aviidi me matwala, mu toni ati nde amoni ti me ndi wu apfwana, mu ukuhasa isalu hya nde.

1 Timoteho 1:18

Timoteho mwana a me, me ndeele we buni we afwana mu usa, we bu hwayelemene na mbihulili yi baasiidi mu we umata beleve. Nyaha mambu momaana mava we ibahala, mana we yaba buni we ulwana mudingu wu afwana.

1 Timoteho 4:14

A habungasana hyese hi Livupu la Ngidi hi we ayaki. Hyese hi baaviidi we mu mbihulili, mu tangu yi bakuutu ba libundu baasuusili we myoho.

1 Timoteho 4:6

Tso we viidi mandongi momaana huli baana ba ngu, we uba musalili wu mubwe wa Yisu Kristo. We umwese ti, baamiibungala we mu mambu ma imiinu, na mu ndongisili yimbwe yi we ayaki na bukuhu.

1 Timoteho 5:22

A habingalala usuusala muutu myoho, mu uva nde mupfuna mu libundu. Na a hasilasa masumu ma muutu mukima. We afwana uba we mwakulu wu atsyeme.

1 Timoteho 6:12

Lwana mudingu wu afwana wu imiinu. Kanga monyi wu bilima na bilima wu Nzambi hateeli we mu nde. Monyi mowuuna, ni wu we asiingi ŋa we abinuhi mu udukala nzila imiinu, ŋa busu bu bambangi babalahi.

2 Timoteho 3:10

Ka we, we aduukili me mu ndongisili a me, mu ndyatili a me, mu makani ma me, mu imiinu hya me, mu mukami a me, mu litondo la me, mu mukonono a me, mu usungama tso mu ibahala hya me,

2 Timoteho 3:14

Ka we, kangama mu ma we ayiha mu bisu, na ma we ayaka mu mutima mumosi. We yabi huli na we ayiha mo.