2 Timoteho 1:3 - Musamu wu Mubwe

³ Me ndi mu upfutala ŋa matondo huli Nzambi, wu me ndi mu utsalila we bakaaha ba me, na matsimi ma me ma maatsyeme. Na me umbanzibwala monyi mu we, butsuhu na nyangu, mu masambulu ma me.

2 Timoteho 1:3 ပူးပေါင်းရင်းမြစ်များ

Luuka 2:37

Ŋa mbisa ŋana, nde asaali bukwili. Nde atosi maku pombo na bilima bina (84). Ana a hakatahuha na nzo a Nzambi ve, na nde akasalila Nzambi butsuhu na nyangu, na udya ikandi mu usambila.

Mavanga 22:3

«Me Muyudaayo ndi, wu baabuta hu musyenge a Tarese, mu itanzi hya Silisiya. Me ni ŋa Yeruselemi ŋa baabuuhasa. Mulongisi Ngamalieli ni wu ayihisi me mu uduukala bubwe-bubwe, mikele mi bakaaha ba bisu. Me ambeedi na lehemene mu Nzambi, we bu benu boosi lili mu usa loloyi.

Mavanga 23:1

Pahuli asungimini pfuundu Bayudaayo, na aleeli: «Baana ba ngu, me miitsalila Nzambi te ilumbu hya lolo, hwavele munyongo tso hoole.»

Mavanga 24:14

Ka, me ndi mu utsiinga li ŋa busu bwa we. Me miikoto mu usalila Nzila a Yisu, yi bo bali mu umono we kabu li latahuha na mikele. Ka me ndi mu utsalila Nzambi bakaaha ba bisu. Na me ndi mu utsa hiitu mu moosi ma baasonehe mu tso Mikele na Mimbihuli.

Mavanga 24:16

Ni mu buuna, me ndi mu utsa mifudi mu uveleba na dyambu lilibi hutso mutima a me, ŋa busu bwa Nzambi, na ŋa busu bwa baatu.»

Mavanga 26:4

«Bayudaayo boosi bayaabi mbiili a me, umata bufudu bwa me. Bo bayaabi ka ndyatili a me, umata hu me akakula mu bufudu bwa me, ŋa hati la buli la me na hu Yeruselemi.

Mavanga 27:23

Pofi mumosi a Nzambi, wu abaha me na wu me umbaatsalila, ayamonehele na me butsuhu mobunuubu.

Looma 9:1

Ma me ndi mu undeele mali ma mbuli. Me a handi mu upfuta ve, mu toni ti me ndi itwadi na Kristo. Iluunzi hya me, itwadi na Livupu la Ngidi hili mu utiila me imbangi:

Ngalaatiya 1:14

Me akapfula ubwaha ŋa hati li Bayudaayo ba tungi la me, mu ukuhasa bukulu bu Bayudaayo. Me amba apfulala bo lehemene ŋa busu bu bukulu bu bakaaha ba bisu.

1 Tesalonika 3:10

Butsuhu na nyangu, bisu libaavondo nde na mukonono woosi, mu uva bisu nzila mu ubwemono benu na mu usuungaha bi byaveleyelemene mu imiinu hya benu.

1 Timoteho 1:19

Kelese imiinu hya we na matsimi mamabwe. Bakima baamiitimba matsimi ma bo, na imiinu hya bo hyamiiyene mu nyamba.

1 Timoteho 1:5

Tsongo a nzibusili moyiina, ni mu upalisa litondo. Litondo li libaamata hutso mutima wu atsyeme, na matsimi mamabwe, na imiinu hi hyavele na muwala.

1 Timoteho 5:5

Mukwili wu amiisaala siha vii, asusa hiitu hya nde mu Nzambi. Nde li mu ukwilala mu mapondili na masambulu huli Nzambi butsuhu na nyangu.

2 Timoteho 1:5

Me ndi mu unzibwala monyi kaka mu hiitu hya we hya mbuli. Ni hiitu hya mu Nzambi hiina, kaaha a we Loyisi na ngu a we Enisi, baabedi na hyo. Me ndi mu umono ti we kaka ka mu usa hiitu mu Yisu.

2 Timoteho 3:15

Umata hu hati bumwana bwa we, we yabi ma baasonehe ma Ngidi. Maana moosi, ni ma mu utwala hwadisa imiinu hya we na uva we liyobolo mu Yisu Kristo.