2 Tesalonika 3:6 - Musamu wu Mubwe

⁶ Baana ba ngu, mu nduhi a Pfumu a bisu Yisu Kristo, livondi benu mu utahuha na pasi nde nga bubolo, buve nga a mbiili yi yaveleyelemene na ndongisili yi bisu laaviidi bo.

2 Tesalonika 3:6 ပူးပေါင်းရင်းမြစ်များ

Looma 16:17

Me ndi mu upondo huli benu baana ba ngu, kebaani mu ba bali mu ubehe burandu husto libundu, na ba bali mu udungasa banga imiinu mu utuna ndongisili yi benu laayaka. Tahuhaani na bo,

1 Tesalonika 4:1

Hutsyelele, benu laayihi huli bisu mbiili yi benu lafwana uba na yo mu ubaamwese Nzambi kinya. Eye, benu laaka na mbiili moyiina. Ka bunuubu, bisu livondi na litumi benu mu ubaafulala usa buuna mu nduhi a Yisu. Vangaani bu hwafulala maana!

1 Tesalonika 4:11

Hwadaani mu ubaaba mu hyenze. Nyaha pasi muutu abaaduukala ndulu misamu mi mili mu utala nde. Hwafwana huli pasi muutu mu ubaha kaluha mu isalu hya myoho mya nde mwakulu, we bu bisu laatswamini utuma benu.

1 Tesalonika 5:14

Baana ba ngu, bisu livondi benu mu ubaayibusa ba bubaasala hyayuhu. Baahwadisaani ba mitima myamiiduka, baakumbasaani ba baavele mifudi, baabaani na bulembo ŋa busu bwa baatu boosi.

2 Tesalonika 2:15

Ni mu buuna, baana ba ngu, telemaani ŋa benu lili na kangamaani mu ndongisili yi bisu laatoosili benu mu munywa, buve mu muhanda.

2 Tesalonika 3:7

Benu mwakulu liyabi buni benu lafwana uduukala ifwani hya bisu. Mu toni ati, bisu a laabeedi babolo ŋa bisu laabeedi huli benu ve.

1 Timoteho 5:21

Ŋa busu bwa Nzambi, ŋa busu bwa Yisu Kristo na ŋa busu bu bapofi ba Nzambi hasoolo, me ndabi ŋa busu bwa we mu usalila mambu momaana, hwavele burandu, tso uvelevolele bakima mileembe.

1 Timoteho 6:5

Mo mubaabehe kaka ukakana hu hwavelefwa, ŋa hati la baatu banga buyedi bu bwatengeme. Bo a baabweyaba imbuli ve. Bo bubaatsima ti imiinu mu Nzambi, ni nzila yi ubahila busina.

2 Timoteho 3:5

Bo sa bayusa Nzambi hutso muwala, ka bo bubaatuna ti matwala ma Nzambi matuma idiingu hya bo. Tahuha na baatu mo baana.

2 Timoteho 4:1

Me tumi we ŋa busu bwa Nzambi, na ŋa busu bwa Yisu Kristo wu utsundasa ba bali monyi na babaakwa, bu nde hu uyamonehele mu Ipfumu hya nde.

2 Yowani 1:10

Tso muutu yidi yamono benu, na ubehele benu ndongisili yi yaasoboono na ya Kristo, a liyaka nde mu nzo a benu, tso uva nde bwehe ve.