2 Tesalonika 3:4 - Musamu wu Mubwe

⁴ Bisu lili na hiitu mu Pfumu ti benu lili mu usa, na luukaabwesa ma bisu lili mu utuma benu.

2 Tesalonika 3:4 ပူးပေါင်းရင်းမြစ်များ

Looma 15:14

Baana ba ngu, me ndodi lo, mitima mya benu myaluula mu matsimi mamabwe, na mu nzabiili yi yaayelemene. Na benu laaka mu iteesi hi uvasasana mandongi.

Looma 15:18

Ka tso me utwala undeele dyambu, ndulu ni mu li Kristo hasalila mu me, mu ubehe ba baavele Bayudaayo mu usiingala Nzambi. Nde hakuhasa lo, mu mambu ma maapala mu munywa a me na mu mavanga ma me,

Looma 2:7

Nzambi uva monyi wu bilima na bilima huli ba bali na mukonono wu ubaavanga mambu mamabwe. Bo bali mu usaha muyusu, likiinzu na idiingu hi hyuvelekwa.

Ngalaatiya 5:10

Ka, mu bungodu bwa Pfumu, me ndi na hiitu mu toni a benu. Me ndi na imiinu ti benu a lu uba na matsimi ma maasobono na ma me ve. Ka, pasi nde wu li mu udungasa benu, nde sa ayaka tsingili a Nzambi.

Filiipo 1:6

Me ndi na hiitu ti: Nzambi wu abaandihi usa isalu hi hibwe ŋa hati la benu, ukwilala mu ubaasa hyo, nate hu tsukusu, mu ilumbu hi Kristo Yisu hu uyafutaha.

Filiipo 2:12

Ni mu buuna, bambahi ba me ba litondo, benu laakasiingala ndongisili a me, ŋa me ambedi ŋa hati la benu. Ka bunuubu, singalaani yo bu hwafulala, tso me peli ŋa hati la benu. Mu mavanga ma benu, mu boomo na likamba, mwesaani ti benu laamiiyoboho.

1 Tesalonika 4:10

Buuna ni bu benu lili mu uvanga huli baana ba ngu boosi ba hu tsi a Masedonya yoosi. Ka bisu livondi benu, baana bangu, mu ubwevanga bu hwafulala bubwe.

2 Tesalonika 3:12

Huli baatu mobaana, bisu lili mu uvondo na lili mu utuma bo mu nduhi a Pfumu Yisu Kristo ti, bo baafwana ubaasala tangu yoosi mu ubaha byudya.

2 Tesalonika 3:6

Baana ba ngu, mu nduhi a Pfumu a bisu Yisu Kristo, livondi benu mu utahuha na pasi nde nga bubolo, buve nga a mbiili yi yaveleyelemene na ndongisili yi bisu laaviidi bo.

Filemoni 1:21

Me ndi mu utsindaha we muhanda mowunuwu, na hiitu ti we sa vanga ma me ndi mu upondo huli we. Na me nzaabi ti we sa kuhasa hu hwafulala, bi me ndi mu upondo we.