2 Tesalonika 3:2 - Musamu wu Mubwe

² Baasambilaani kaka mu bisu, mana bisu liyoboho ŋa busu bwa baatu ba nga bukanyi, na mavanga mamabi. Mu toni ati, boosi a bali na imiinu ve.

2 Tesalonika 3:2 ပူးပေါင်းရင်းမြစ်များ

Luuka 18:8

Me ndeele benu, nde ubiingasa bo mu mawasa. Ka ŋa Mwana a muutu hu uya ŋa toto, nde uyabiisa baatu babali na hiitu mu Nzambi?»

Mavanga 13:45

Bu Bayudaayo baamoni konge a baatu moyina, bo baaluuli mu nyengi. Na baakatuna ndongisili a Pahuli ti yi upfuta, na baakatuha nde.

Mavanga 13:50

Ka Bayudaayo baasimbilili bakaasu ba biita lilinene, ba baakayusa Nzambi, napa bangeele ba musyenge. Bo baatsumbili kwamisili ya Pahuli na Baranabasi, na baabingi bo mu itanzi hya bo.

Mavanga 14:2

Ka Bayudaayo bakima ba baavelisa hiitu mu Pfumu, baatumbisi ba baavele Bayudaayo mana bayalwanisa baana ba bangu ba bo ba baasiidi hiitu.

Mavanga 17:5

Ka Bayudaayo bakima baamoni nyengi. Bo baakuukihi mwa biyahudi bi byaba mu manzila, na baatumi bo mu usa muyungisi na kele mutso musyenge woosi. Mu mawasa, bo baayapalila muutu mumosi nga nduhi a Yasoni hu nzo a nde, mu usaha Pahuli na Silaasi, mana babita bo ŋa kuungi la baatu.

Mavanga 25:27

Mu toni ati, a hwafwana mu utsindaha ikondaayi hu Looma, hwavele uyabisa mu tsiki, matonyi ma kesili a nde ve.»

Mavanga 28:24

Bamosi baasiidi hiitu mu ma nde hakaleele, ka bakima baabisi.

Looma 10:16

Ka boosi a baasiingala Musamu wu Mubwe ve. Na mumbihuli Esaya atswamini ufuula: «Pfumu, na asa imiinu mu musamu wu bisu lili mu uyabisa?»

Looma 15:31

Sambilaani mana me pelembwa ŋa myoho mya ba baavelesa imiinu ba hu itanzi hya Yude, na mana libundu li musyenge a Yeruselemi liyaka likumbasa li me ndi mu umbitala bo, mu mutima mumosi.

1 Tesalonika 2:18

Ni mu buuna, bisu laatondi uyamono benu. Na me Pahuli, me anzyehili yehele limosi buve nzyehele yoole. Ka Satana akali bisu.

2 Timoteho 4:17

Ka Pfumu ni wu avolili me milembe. Nde aviidi me mifudi, mana me twala uyabisa bo Musamu wu Mubwe, mana baatu ba matsi ma bangoyi kaka bayuha nde. Na nde ayobili me mu munywa a kosi.