2 Tesalonika 3:1 - Musamu wu Mubwe

¹ Mu umana, baana ba ngu, baasambilaani mu bisu, mana mambu ma Pfumu matsamuha mu mawasa na bakiinza mo matsyelo makima, we bu bali mu ukiinza mo huli benu.

2 Tesalonika 3:1 ပူးပေါင်းရင်းမြစ်များ

Luuka 10:2

Nde akaleele bo: «Ngundu yili yinene, ka basali bali babakeehe. Ni mu buuna, vondwani Pfumu a ngundu, mana nde atsindaha basali mu uyakoolo mbutu mu ngundu a nde.

Mavanga 12:24

Ka mambu ma Nzambi maakafulala utsamuha, na baatu babalahi baakasiinga mo.

Mavanga 19:20

Ni mu buuna, mu matwala ma Pfumu, mambu ma nde maakatsaamuha na maakafulala ubaha mifudi.

Mavanga 6:7

Mambu ma Nzambi maakatsamuha, litangu li bayihi laakakula bulahi hu Yeruselemi. Na litangu lilinene li banganga ba Nzambi, baakasa hiitu mu Yisu.

Looma 15:30

Me ndi mu upondo benu liniili baana ba ngu, mu toni a Yisu Kristo na mu toni litondo li Livupu libaava: lwanaani itwadi na me mu uvondele me hyese huli Nzambi mu masambulu ma benu.

1 Tesalonika 1:5

mu toni ati ndongisili a bisu yi Musamu wu Mubwe huli benu ndulu a mu mikuma ve. Ka ndongisili a bisu yaaba yi matwala, mu itwadi hi Livupu la Ngidi, na hiitu hyosi. Benu layaaba buni mbiili a bisu yaaba ŋa hati la benu, mu libwe la benu.

1 Tesalonika 1:8

Eye, isalu hya Mambu ma Pfumu ŋa hati la benu, hyaduma hu Masedonya na Ahayi. Ka hyo a hyasuka ŋaana ve. Tsangu imiinu hya benu mu Nzambi yamiitsamuha tsi yoosi. Ni mu buuna luuveletsuha mu lo.

1 Tesalonika 2:1

Benu mwakulu layaaba, baana ba ngu, ti nziili a bisu huli benu a yili yi yavele na kaluha ve.

1 Tesalonika 2:13

Ni mu buuna, bisu libaafutala matondo huli Nzambi tangu yoosi, bu benu laayaki mambu ma bisu laayabisi benu. Benu a laayaki mo we mambu ma maapali mu muutu ve, ka we bu mo mali ma mbuli, Mambu ma Nzambi, ma mali mu usala na mifudi, ma benu lili mu usa hiitu mu mo.

1 Tesalonika 4:1

Hutsyelele, benu laayihi huli bisu mbiili yi benu lafwana uba na yo mu ubaamwese Nzambi kinya. Eye, benu laaka na mbiili moyiina. Ka bunuubu, bisu livondi na litumi benu mu ubaafulala usa buuna mu nduhi a Yisu. Vangaani bu hwafulala maana!

1 Tesalonika 5:17

baasambilaani tangu yoosi.

1 Tesalonika 5:25

Baana ba ngu, baasambilaani kaka mu toni a bisu.

2 Timoteho 2:9

Ni mu toni a Musamu wu Mubwe wunuwu, me ndi mu umono pasi. Mu nde, baamiihada me mapanga we mudubi a baatu. Ka a mambu ma Nzambi bahada mapanga ve.