2 Tesalonika 2:16 - Musamu wu Mubwe

¹⁶ Mu hyese hya nde, Nzambi Taata a bisu atondo bisu, na nde ava bisu ibahala hi hyavele na tsukusu na hiitu hi hibwe. Nyaha nde na Pfumu a bisu Yisu Kristo nde mwakulu,

2 Tesalonika 2:16 ပူးပေါင်းရင်းမြစ်များ

Yowani 3:16

Ka mbi bu Nzambi hatondi tsi, nde atsindihi Mwana a nde wu livingu, mana pasi nde wu usiila nde imiinu, avele bungana, ka nde sa abaha monyi wu bilima na bilima.

Tiite 1:2

Me ndi mu unzabisa bo imbuli, mana bo baba na hiitu hi ubaha monyi wu bilima na bilima wu li mu Nzambi. Monyi mowuna, Nzambi wu ubaavelepfuta, asiidi bisu lahi umata pangili a tsi.

1 Tesalonika 3:11

Nyaha Nzambi Taata a bisu nde mwakulu na Pfumu a bisu Yisu, badibula bisu nzila yi uto nate huli benu.

Looma 5:8

Ka mono buni Nzambi hamwesi bunene bu litondo la nde mu bisu: ŋa bisu laaba kini banga masumu, Kristo akwidi mu toni a bisu.

Looma 4:16

Ni mu buuna, basiidi lahi mu nzila yi imiinu, mana hyo hiba hyese hi Nzambi ubaava, na basilasa hyo huli imbisa hya Abrahami hyosi. Lahi a lili mu utala ndulu ba bubaasiingala Mikele ve, ka napa boosi ba bubaasa imiinu we bu Abrahami hasiidi imiinu. Abrahami ni taata a bisu boosi,

Looma 4:4

Woosi wu ubaasala, ubaayaka pfuta a nde. Pfuta mo, a yili huli nde we hyese ve, ka yo yili mukanu.

Mavanga 18:27

Bu nde haba na tadi yi uyene hu itanzi hya Akayi, baana ba ngu baahwadisi nde. Bo baasonihi muhanda huli bayihi ba huuna, mu uyaka nde bubwe. Bu nde hatoodi hu Akayi, nde abeedi na tsoongo mu ba baasiidi hiitu mu bubwe bwa Nzambi.

Mavanga 15:11

Ka bisu na hiitu ti ni mu bubwe bwa Pfumu Yisu bisu laamiyoboho, pila mosi we bo, ba baavele Bayudaayo.»

Yowani 16:22

Bunuubu, benu kaka lili na lingebe. Ka me tsa mbwemono benu, na mutima a benu sa abweba mu kinya. A hu li na tso muutu wu utwala umaasa benu kinya moyiina ve.»

Yowani 15:13

Litondo li laalutala, ni ukwa mu toni bambaahi.

Yowani 15:9

«We bu Taata hatondo me, me kaka atondo benu. Kwilalaani mutso litondo la me.

Yowani 13:1

Tswamina mukungi a Paake, Yisu ayaabi ti tangu a nde yi usiisa tsi moyiniyi, mu uyene huli Taata aba yaamiito. Nde aba atondo ba nde ba baaba mu tsi. Nde aba afula utondo bo nate hu tsukusu.

Yowani 4:14

Ka muutu wu unywa mamba ma me upa nde, a hubwebaha peyu ve. Mamba ma me upa nde, sa makituha mutswe a nzali mu nde. Ni mutswe a nzali wu ukaapalisa mamba na mifudi, te mu monyi wu bilima na bilima.»

Luuka 16:25

Ka Abrahami afutili: “Mwana a me, yibwala monyi ti we abeedi mu maakinya mu idiingu hya we, ka Laazaro amoni mapasi mamalahi. Bunuubu, nde ka hutso a mbombisili a nde, we bu we ka mu umono pasi.

1 Yowani 3:16

Mono buni lafwana uyaba litondo hima lo lili: Yisu Kristo ayehuli muvumu a nde mu bisu. Ni buuna, bisu kaka lafwana uyeholo mivumu mya bisu mu baana ba ngu a bisu.

Tiite 2:13

Ni buuna, bisu lafwana ukeele ilumbu hya kinya hi bisu lili mu usa hiitu. Ilumbu mohina, Nzambi a bisu wu munene, wu uli Mufuhisi a bisu Yisu Kristo, sa amonehele hutso muyusu a nde.

Looma 1:7

Me ndi mu utsonehele huli benu boosi ba lili hu Musyenge a Looma, benu ba Nzambi hatondo, ba nde hamiiteele mu uba bangidi. Nyaha Nzambi Taata, na Pfumu a bisu Yisu Kristo, bava benu hyese na hyenze.

2 Tesalonika 2:13

Uto ti bisu a benu, baana ba ngu ba Pfumu hatondo, bisu lafwana ubaafutala matondo huli Nzambi tangu yoosi mu toni a benu. Benu ba Pfumu hasooli hati a tsomi, mu uyoboho mu isalu hi Livupu li libaava benu bungidi. Benu luuyoboho kaka, mu toni imiinu hya benu hi hyakangama mu imbuli.

1 Tesalonika 1:3

Bisu lili mu uyibwala monyi pasi tangu ŋa busu bwa Nzambi Taata a bisu, mu toni isalu hi imiinu hya benu, isalu hi litondo la benu, na kwadili a benu mu hiitu mu Pfumu a bisu Yisu Kristo.