2 Tesalonika 1:7 - Musamu wu Mubwe

⁷ Huli benu ba bali mu unyongese, Nzambi sa ava benu pumiili itwadi na bisu. Sa huba buuna, ŋa Yisu uyamonehele hu mayulu na bapofi ba nde ba nga matwala.

2 Tesalonika 1:7 ပူးပေါင်းရင်းမြစ်များ

Luuka 16:25

Ka Abrahami afutili: “Mwana a me, yibwala monyi ti we abeedi mu maakinya mu idiingu hya we, ka Laazaro amoni mapasi mamalahi. Bunuubu, nde ka hutso a mbombisili a nde, we bu we ka mu umono pasi.

Luuka 17:30

Sa huba ka bumosi mu ilumbu hi Mwana a muutu huyamonehele.

Yowani 1:3

Byosi bi Nzambi havangi, nde avangi byo mu Mukuma. A hu li na isiha hi nde havangi hwavele Mukuma ve.

Yowani 1:51

Na nde abweleele: «Mu mbuli, mu mbuli me ndi mu undeele benu, benu sa limono mayulu bwasi, na bapofi ba Nzambi mu ukuma, na ukulamana ŋa yulu a nde Mwana a Muutu!»

Mavanga 1:11

Baatu mobaana baaleeli bo: «Benu bisu Ngalili, hima benu lamiiteleme ŋa, mu ubaatala hu yulu? Yisu mowunuwu, wu Nzambi amiimasa ŋa hati la benu mu ubita hu yulu, uyafutaha we bu benu limoni nde mu uyene.»

Mavanga 3:19

Sobwani mbiili, na yafutahani huli Nzambi, mana nde atsindula masumu ma benu.

Looma 8:17

Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

1 Tesalonika 3:13

Nyaha nde ahwadisa mitima mya benu, mana benu liba bangidi, ba baavele masyembo ŋa busu bwa Nzambi taata bisu, ŋa Pfumu a bisu Yisu huuya na bapofi ba nde boosi. Amen!

2 Timoteho 2:12

Tso bisu lihwadi, bisu kaka lu utuma na nde. Ka tso bisu lituni nde, nde kaka utunala bisu.

Tiite 2:13

Ni buuna, bisu lafwana ukeele ilumbu hya kinya hi bisu lili mu usa hiitu. Ilumbu mohina, Nzambi a bisu wu munene, wu uli Mufuhisi a bisu Yisu Kristo, sa amonehele hutso muyusu a nde.

1 Peetelo 3:22

Nde wu ayeni hu yulu, na wu li ŋa mbahala a Nzambi, hu nde ali mu utuma bapofi, na bipfumu bikima, na matwala ma hu yulu.

2 Peetelo 3:7

Mu ma mali mu utala toto na mayulu ma loloyi, mambu ma nde mali ti, Nzambi amiikeelese byo, mana nde anyengese byo hu mbaahu, mu ilumbu hya tsundusu, hi boosi ba baavelekinza nde bu ukwa.

Yude 1:7

Yibwalaani ka monyi mu bisu Sodoomo na Ngomooro, na ba misyenge mikima mya bebele. Ba baakatsahala mu misyenge momiina, baaba na mbiili yi butsutsungu we yi bapofi mobaana. Baatu mobaana baakasa bumbembo, na mayamba. Bo bali na tsyembili ya mbaahu yi bilima na bilima. Yina yili kebisili huli baatu boosi.