2 Tesalonika 1:5 - Musamu wu Mubwe

⁵ Ŋaniŋa huli mu umwese huli baatu boosi iliimbu hya ti, tsuundusu a Nzambi yili yi butsitsa. Mapasi ma benu lili mu ukunda, mali mu uva benu muswa mu umonehele ba bakuha mu ukoto mu Ipfumu hya Nzambi. Ipfumu hi benu lili mu umono mapasi mu hyo.

2 Tesalonika 1:5 ပူးပေါင်းရင်းမြစ်များ

Luuka 20:35

Ka ba baayelemene mu uba monyi mu tungi li uya, Humbisa a tsuhili ŋa hati la babaakwa, utwala ubwekwele ve.

Luuka 21:36

A libwamina matolo ve, sambilaani tangu yoosi. Lisa buuna mana benu libaha mifudi mu upala mutso a moosi mamali mu uya, na uyamonehele mutele ŋa busu bwa Mwana a muutu.»

Mavanga 13:46

Buuna, Pahuli na Baranabasi baayabisi bo na hiitu hyosi ti: «Beedi hwafwana ti benu liba baatsomi mu uyuha mambu ma Nzambi. Ka bu benu lili mu unyasula mo, na umono ti benu a laakuha mu uyaka monyi wu bilima na bilima ve, bunuubu, bisu sa liyene huli ba baavele Bayudaayo.

Mavanga 14:22

Bo baakahwadisa mitima mi bayihi, na baakatuma bo mu uteleme mu imiinu mu Nzambi. Bo baakaleele: «Bisu laafwana ubwana na mapasi mamalahi, tswamina mu ukoto mu Ipfumu hya Nzambi.»

Looma 2:5

Ka mu toni a kamini mutima a we, we a hasobo mbiili ve. Buuna, we li mu ukuukaha ŋa yulu a we mwakulu kesi yinene, mu ilumbu hi Nzambi humwese kesi a nde, na tsundusu a nde ya tsiitsa.

Looma 8:17

Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

Filiipo 1:28

A liba na boomo bu bambene ba benu ve. Mu bo, hiina ni iliimbu hyati bo buudimbala. Ka mu benu, hyo ni iliimbu hyati benu luuyoboho, na lo lili mu umata huli Nzambi.

1 Tesalonika 2:14

Baana ba ngu, benu laamwese buuna, bu benu laaduukala ifwani hi mabundu ma Nzambi ma Itanzi hya Yude, ma mubaasa imiinu mu Yisu Kristo. Mu toni ati, baatu ba tsi a benu baamwesi benu pasi, we bu mabundu maamoni pasi ŋa busu bu lituma li Bayudaayo.

2 Tesalonika 1:11

Ni mu buuna, bisu libaasambila tangu yoosi mu benu. Bisu libaavondo huli Nzambi a bisu mu ukitusa benu ba baakuha, mu teelili yi benu laayaka. Bisu lili mu uvondo ti, mu matwala ma nde, nde akumbasa benu mu ukuhasa peyu a benu mu uvanga mamabwe, mana imiinu hya benu himonehele mu mavanga.

2 Timoteho 2:12

Tso bisu lihwadi, bisu kaka lu utuma na nde. Ka tso bisu lituni nde, nde kaka utunala bisu.