2 Tesalonika 1:3 - Musamu wu Mubwe

³ Baana bangu, bisu lafwana ubafutala matondo tangu yoosi huli Nzambi, mu toni a benu. Hwafwana huli bisu mu usa buuna, mu umono buni imiinu hya benu hili mu ukula. Bisu lili mu umono kaka buni litondo li benu lili mu umwese mu bana, lili mu ukula.

2 Tesalonika 1:3 ပူးပေါင်းရင်းမြစ်များ

Luuka 15:32

Hufwani huli bisu mu uvanga mukungi, na uba mu kinya mu toni ati, muhehe a we wu beedi amiikwa, nde miisuha. Nde beedi amiidimbala, nde miisoloho.”»

Luuka 17:5

Bayihi baaleeli huli Pfumu: «Kulasa hiitu hya bisu mu Nzambi.»

Yowani 15:2

Pasi itabi hi hyakangama mu me na hi hyavele na mbutu, Taata ubaatsakula hyo. Na pasi itabi hi hili na mbutu, nde ubaatsyemese hyo, mana hyo hibwefulala ubuta mbutu.

Looma 1:8

Hati a tsomi, me tondi ufutala matondo huli Nzambi mu benu boosi, mu nduhi a Yisu Kristo. Mu toni ati, bali mu utoyo mu imiinu hya benu mu toto yoosi.

Filiipo 1:7

Hu li tsiitsa ti, me mba na matsimi ma bunuubu mu toni a benu boosi. Me ndi mu utondo benu mu mutima a me woosi. Mu toni ati, benu laakumbisi me mu isalu hi Nzambi havidi me, mu hyese hya nde. Benu laakumbisi me ŋa me ambedi bunyanga, mu ulwanila Musamu wu Mubwe, na uyabisa nde na mifudi myosi. Benu a laasuki ŋaana ve, ka benu laakumbisi me kaka nate mu tangu moyiniyi, yi me ndi mu mapanga.

Filiipo 1:9

Mono ma me ndi mu upondo huli Nzambi, mu masambulu ma me ni ti, litondo la benu libaasinzakula. Me ndi upondo huli nde kaka ti, benu liyaba na utsikaha bubwe-bubwe, buni benu lafwana udyata ŋa busu bwa bana, mu nzaabili ya mbuli.

1 Tesalonika 3:12

Nyaha Pfumu asinzakulasa na asinzaluusa litondo li benu lili na lo mu bana na mu baatu boosi, mu ifwani hi litondo li bisu lili na lo mu benu.

1 Tesalonika 3:6

Ka bunuubu, Timoteho miiyafutahala bisu, na nde ava bisu matsangu mamabwe mu toni imiinu hya benu na litondo la benu. Nde ayabisa bisu, ti benu a laakolo mu utsima bisu na litondo loosi ve. Na ti benu lili na nzala mu ubwemono bisu, we bu bisu kaka lili na nzala ubwemono benu.

1 Tesalonika 3:9

Buni bisu luusinzafutala matondo huli Nzambi mu benu, mu kinya yoosi yi benu lili mu uva bisu, ŋa busu bwe nde?

1 Tesalonika 4:1

Hutsyelele, benu laayihi huli bisu mbiili yi benu lafwana uba na yo mu ubaamwese Nzambi kinya. Eye, benu laaka na mbiili moyiina. Ka bunuubu, bisu livondi na litumi benu mu ubaafulala usa buuna mu nduhi a Yisu. Vangaani bu hwafulala maana!

2 Tesalonika 2:1

Mu ma mali mu utala nziili a Pfumu a bisu Yisu Kristo, na kuukimini a bisu ŋa pedu a nde, bisu livondi benu dyambu limosi, baana ba ngu.

2 Tesalonika 2:13

Uto ti bisu a benu, baana ba ngu ba Pfumu hatondo, bisu lafwana ubaafutala matondo huli Nzambi tangu yoosi mu toni a benu. Benu ba Pfumu hasooli hati a tsomi, mu uyoboho mu isalu hi Livupu li libaava benu bungidi. Benu luuyoboho kaka, mu toni imiinu hya benu hi hyakangama mu imbuli.

1 Peetelo 1:22

Benu limiitsyeme bu benu limiisiingala imbuli, limiitondosono hwavele muwala. Ni mu buuna, tondosonwani mu mifudi na mu mutima mumosi.

2 Peetelo 1:13

Ka me ndi mu utsima ti, hwafwana huli me mu ubaayibusa benu mu uba likanda, bu me kini monyi.

2 Peetelo 3:18

Ka nyaha benu likula hutso a hyenze na nzabiili a Yisu Kristo, Pfumu na Muyobili a bisu. Nyaha muyusu aba huli nde, loloyi na mu bilima na bilima! Ameni!