2 Peetelo 3:9 - Musamu wu Mubwe

⁹ Pfumu a hutaamba mu utswihasa malahi ma nde, we bu baatu bakima bali mu utsima ve. Ka nde li na mukami mu toni a benu. Nde a hatondi ti tso mumosi mu benu anyambana ve. Ka nde tondi ti baatu boosi basobo mbiili na usa imiinu hya bo mu nde.

2 Peetelo 3:9 ပူးပေါင်းရင်းမြစ်များ

Looma 13:11

Bu benu liyaabi mu ki tangu bisu a benu laaka, yiniyi ka ni tangu huli benu mu usuuha hutso a tolo. Nziili a Yisu yaamiifula bebele, na ŋa bisu a benu laasidyani imiinu.

Looma 13:12

Butsuhu bwaka lala, busi sa bukya. Nyaha litiimbaani mavanga ma bisu ma piipidi, na lilwataani bilwanili bi liyalala.

Looma 2:4

Buve, we bubwe bu bunene bwa Nzambi ubaapenye, mu mukami a nde na bunene bu mutima a nde? We a hayabi ve ti bubwe bwa Nzambi buli mu ubita we hu usobo mbiili?

Looma 9:22

Nzambi akiitondo umwese kesi na uyaabisa matwala ma nde huli bitehili bikima. Ka nde akuundi na mukami wu munene, bitehili bya kesi, bi baavangi mu utsala.

1 Timoteho 1:16

Ka Nzambi amiikwila me lingebe, wu uli wa tsomi mu banga masumu. Nde havangi buuna, mana nde amwese huli baatu mukami a nde. Nde avoli me we ifwani, mana bakima ba bu usa imiinu mu nde, bayaka monyi wu bilima na bilima.

1 Timoteho 2:4

Nzambi wu tondi ti baatu boosi bayoboho na baya hu nzaabili a imbuli.

1 Peetelo 3:20

Ni mavupu ma maabisi usiingala nde mu tangu a tsikulu, ŋa Nzambi hakakeele na mukami, bilumbu bi Nowa hatungi likuumbi la nzali. Mwana a baatu pwombo baakoti hutso likuumbi moliina na baafuuhi mu mamba.

2 Peetelo 1:4

Ni mu buuna, Nzambi amiisa bisu malahi ma bungodu bwa talu na bu bubwe. Nde hasiidi malahi momaana, mana benu limata mu manzala ma uvanga mambu mamabi ma utsala baatu ba tsi. Ŋa mbuha unyambana, Nzambi miikitusa benu bababwe, we nde mwakulu wuli wu mubwe.

2 Peetelo 3:15

Benu laafwana mu uyaba ti mukami a Pfumu a bisu, ni liyobolo la benu. Ni buuna kaka mwana a ngu a bisu wu litondo, Pahuli haleeli ŋa nde hasonihi mu tsiki yi Nzambi hava nde.