2 Peetelo 2:9 - Musamu wu Mubwe

⁹ Ni mu buuna, Pfumu yaabi buni nde hu uyobolo mu malobese ba baakangama mu nde. Nde yaabi buni nde hukeelese ba bubaavanga mamabi mu usyembe bo, mu ilumbu hya tsundusu.

2 Peetelo 2:9 ပူးပေါင်းရင်းမြစ်များ

Looma 2:5

Ka mu toni a kamini mutima a we, we a hasobo mbiili ve. Buuna, we li mu ukuukaha ŋa yulu a we mwakulu kesi yinene, mu ilumbu hi Nzambi humwese kesi a nde, na tsundusu a nde ya tsiitsa.

2 Timoteho 3:12

Boosi ba bali mu utondo udyata bu hwasungama mu Yisu Kristo, bu ubwana mbingisili.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

2 Peetelo 2:4

Mu toni ati, Nzambi asyembi bapofi ba baabwidi mu masumu, nde abwahi bo hutso a «mbenge yi yadongo». Ni huuna bali mu ukeelese bo hutso a piipidi, bahada mu mapanga, nate ilumbu hya nde hya tsundusu.

2 Peetelo 3:7

Mu ma mali mu utala toto na mayulu ma loloyi, mambu ma nde mali ti, Nzambi amiikeelese byo, mana nde anyengese byo hu mbaahu, mu ilumbu hya tsundusu, hi boosi ba baavelekinza nde bu ukwa.

Yude 1:6

Yibwalaani monyi mu bapofi ba baavelikeelese butsitu bwa biita la bo na ba baatimbi nzo a bo. Nzambi amiihada bo mu mapanga ma bitali, hutso a pipidi yinene, tswamina ilumbu hya tsundusu mu uto.