2 Peetelo 2:4 - Musamu wu Mubwe

⁴ Mu toni ati, Nzambi asyembi bapofi ba baabwidi mu masumu, nde abwahi bo hutso a «mbenge yi yadongo». Ni huuna bali mu ukeelese bo hutso a piipidi, bahada mu mapanga, nate ilumbu hya nde hya tsundusu.

2 Peetelo 2:4 ပူးပေါင်းရင်းမြစ်များ

Luuka 10:18

Yisu afutili bo: «Me amoni Satana wu amati hu yulu na abwidi ŋa toto we muvedyavedi.

Luuka 8:31

Mihisi momiina myayayini Yisu mana nde aveletuma myo mu uyene hu mbenge.

Yowani 8:44

Taata a benu mukuyi. Na benu litondi ukuhasa ma taata a benu ubaatondo usa. Nde li mudubi umata mbandu. Nde a hali hutso imbuli ve, mu toni ati imbuli a hili mu nde ve. Ŋa nde ubaasuunda mapfuta, mo maakwelene na mbiili a nde. Mu mbuli nde ni mupfuti, na nde li taata mapfuta.

Looma 11:21

Ka tso Nzambi avengolo Bayudaayo ba bali bitabi bi muti a mbuli, kele hwa we! We wu li itabi hi banamiha, mana nde a havengolo we kaka.

Looma 8:32

Nde wu avelitahula Mwana a nde mwakulu, ka nde ayehuli nde mu bisu boosi, buni nde huveleva bisu byosi itwadi na Mwana a nde?

2 Peetelo 2:11

Tso bapofi ba baafulala bo mifudi na matwala, a bali mu uyehele utuha bisiha bya hu yulu ŋa busu bwa Pfumu ve.

2 Peetelo 2:5

Nzambi asyembi kaka baatu ba tangu a tsikulu, ŋa nde hatsindihi nyamba ŋa yulu a baatu banga masumu. Ka nde afuuhisi Nowa, wu aba mu mosi mu pwombo la ba baafuuhi, bu nde hakalongese nzila yi yafwana.

2 Peetelo 2:9

Ni mu buuna, Pfumu yaabi buni nde hu uyobolo mu malobese ba baakangama mu nde. Nde yaabi buni nde hukeelese ba bubaavanga mamabi mu usyembe bo, mu ilumbu hya tsundusu.

1 Yowani 3:8

Woosi wu ubaakwilala mu usa masumu, li mwana Mukuyi mu toni ati, Mukuyi asiidi masumu umata mbandu a tsi. Ka Mwana a Nzambi hayidi ŋa tsi, mu udyata mavanga ma Mukuyi.

Yude 1:13

Bo baafwanina na mapo ma mifudi ma mubu. Bo bali mu utswamisa ŋa busu bwa bo, mavanga ma bo ma tsonyi. Mavanga mo maana mali we mafudi ma mbindu yi mapo mubaatsindala. Bo bali we bamvwelele ba mikila. Na Nzambi amiiswehele bo mbuha a nzyeni hutso butsuhu bu bwafulala pipidi.

Yude 1:6

Yibwalaani monyi mu bapofi ba baavelikeelese butsitu bwa biita la bo na ba baatimbi nzo a bo. Nzambi amiihada bo mu mapanga ma bitali, hutso a pipidi yinene, tswamina ilumbu hya tsundusu mu uto.