2 Peetelo 2:3 - Musamu wu Mubwe

³ Mu toni linyungi la mbongo, bo sa basoho benu mu bitoyili bya bo bi mapfuta. Ka tsundusu a bo, umata beleve, yamiitswiha. Na ndungili yili mu ukete bo.

2 Peetelo 2:3 ပူးပေါင်းရင်းမြစ်များ

Luuka 18:8

Me ndeele benu, nde ubiingasa bo mu mawasa. Ka ŋa Mwana a muutu hu uya ŋa toto, nde uyabiisa baatu babali na hiitu mu Nzambi?»

Luuka 20:20

Buuna, bo baakakete Yisu. Mono bu bo baatsindihi nde baatu ba baakamonehele we banga butsitu, mu ubaayuha ma nde hakalongese. Baatu mobaana baatehi nde mweto mu hyuhu, mana bo babahila nde toni mu bitoyili bya nde, yi uyeholo nde huli lituma li bapfumu ba tsi.

Luuka 22:47

Nde a hamani utoyo ve, konge a baatu yayidi. Nga nduhi a Yuda, mumosi ŋa hati la kuumi na bilumbi byole, aba ŋa busu. Nde ayasusaha ŋa pedu a Yisu mu uviva nde.

Yowani 2:16

na nde aleeli huli basuumbisi ba mabembe: «Masaani bi byosi ŋa mbuha moyiniiyi. A likitusa nzo a Taata a me saandu ve!»

Looma 16:18

mu toni ati baatu ba pila moyiina, a bali mu usalila Kristo Pfumu a bisu ve, ka mapeyu ma bo mwakulu. Na humbisa mikuma mya bo mi mibwe, na bileedi bya soho, bo bali mu upfuta ba baavele na tsikihili.

1 Tesalonika 2:5

Benu layaaba lo bubwe, bisu a libaasalila lipedi tso hoole ve. Bisu kaka a lili mu uswehe manzala ma mapfuta humbisa a ma bisu lili mu uleele ve. Nzambi nde mwakulu li mbangi a bisu.

1 Tesalonika 5:3

Tangu yi baatu buuba mu uleele bunuubu: «Tsi yoosi yika hutso a hyenze, midiingu a misaali ve», ŋaana ni ŋa mapasi muupuhama ŋa yulu a bo we ŋa misoongo mibaabaanda mukaasu nga yimi. Muutu tso mumosi a huufuuha ve.

1 Timoteho 3:3

Mutumi libundu utwala uba ikolo-mbungu ve. Nde utwala uba nga ngaabi ve, ka nde afwana uba nga bulembo. Nde utwala uba nga a bisongi ve, tso wu avelekebele mbongo mu diisu.

1 Timoteho 3:8

Bakeelisi ba libundu kaka, ni bumosi, baafwana uba baatu banga likinzu, na banga imbuli. Bo utwala ukoto mutso a nywili malamu yinono ve, na mu mbahili a mbongo ya tsonyi ve.

1 Timoteho 6:5

Mo mubaabehe kaka ukakana hu hwavelefwa, ŋa hati la baatu banga buyedi bu bwatengeme. Bo a baabweyaba imbuli ve. Bo bubaatsima ti imiinu mu Nzambi, ni nzila yi ubahila busina.

Tiite 1:11

We afwana ukala bo mu utoyo. Mu tonyi ati, bo bali mu udimbasa imiinu hi mabuli ma baatu, mu ubaalongese ma mavelefwana. Bo bali mu ulongese mambu momaana, mu tonyi ati bo bayaka pfuta mu ngaabi.

Tiite 1:7

Pasi mukuutu libundu, ahwama na mupfuna a mambu ma Nzambi. Nde afwana ubaaba muutu wu avele na masyembo. Nde utwala uba nga isaayi tso nga makesi ve. Nde utwala uba ikolo-mbungu, tso nga bisongi, tso nga ngaabi.

1 Peetelo 2:8

Baabwesonehe bunuubu: «Lo lili manya li libaakubasa baatu baku. Lo lili manya li libaabwisa baatu.» Tso baatu bubaakuba baku mu lo, mu toni ati, bo bubaabisa usa imiinu mu mambu ma Nzambi. Maana ni ma mu uyiila bo.

1 Peetelo 5:2

Baakelesaani konge mameme yi Nzambi hava benu we bakeedi. Bakelesaani yo, a hwati mu kwamisa ve, ka mu mutima wu ayaluha, we bu hu li litondo la Nzambi. Baasaani buuna hwavele a nzala a kaluha, ka mu toni lisiingala.

2 Peetelo 1:16

Ŋa bisu laayabisa benu nziili a Pfumu a bisu Yisu Kristo hutso matwala ma nde moosi, bisu a laasingama mu masahu ma baatu baasuunda mu buyedi bwa bo ve. Ka bisu laamono bunene bwa nde mu miisu ma bisu.

2 Peetelo 2:1

Ŋa hati la buli li Isereli, hwaba na mimbihuli mi mapfuta. Bumosi kaka, ŋa hati la benu sa huba na milongisi mi mapfuta. Milongisi momiina sa mikotese na dyele loosi, ndongisili yi ubita baatu hu udunga. Bo sa batuna Pfumu wu ayobolo bo. Nzambi sa abungasana bo ipakali.

2 Peetelo 2:9

Ni mu buuna, Pfumu yaabi buni nde hu uyobolo mu malobese ba baakangama mu nde. Nde yaabi buni nde hukeelese ba bubaavanga mamabi mu usyembe bo, mu ilumbu hya tsundusu.

Yude 1:11

Lingebe huli bo! Mu tonyi ati, bo baasumihi we musumihi Kayini. Bo baadungi mu tonyi a lingi la mbongo, we bu mumbihuli Balaami hasiidi. Bo baakwidi mu tonyi ati, bo baatumbihi we bu Kore hasiidi.

Yude 1:15

mu utsundasa baatu boosi. Pfumu sa asyembe banga masumu boosi mu tonyi mavanga mamabi. Pfumu sa asyembe bo, mu tonyi bituhi bi baatu mobaniba, ba baavele na buyumu baapalisi mu nde.»

Yude 1:16

Baatu mobaana a bubaaba na kinya ve, bo bali mu uŋono tangu yoosi mu idiingu hya bo. Bo bali mu udukala manzala ma linyungi la bo. Minywa mya bo mili mu upalisa mambu ma nyehe, ma usohese baatu mu ubaha kaluha.

Yude 1:4

Me ndi mu utsonehele benu, mu tonyi ati, ŋa hati la benu baatu bababi bakima, baamiiyakotelele benu mu tswehi. Bo bali baatu ba baavelekinza Nzambi a bisu, mu usobo bubwe bwa nde mu mbili a bo yi bumbembo. Na bo bali mu utunala ka Yisu Kristo, Mulongisi na Pfumu a bisu mumosi wu. Ka umata beleve, Libuuku la Ngidi laamiiyabisa tsyembili yi bo buyaka.

Yude 1:7

Yibwalaani ka monyi mu bisu Sodoomo na Ngomooro, na ba misyenge mikima mya bebele. Ba baakatsahala mu misyenge momiina, baaba na mbiili yi butsutsungu we yi bapofi mobaana. Baatu mobaana baakasa bumbembo, na mayamba. Bo bali na tsyembili ya mbaahu yi bilima na bilima. Yina yili kebisili huli baatu boosi.