2 Peetelo 1:3 - Musamu wu Mubwe

³ Nzambi mu matwala ma nde, ava bisu byosi bi byakuha mu idiingu hya bisu, mu ukangama mu nde. Pfumu ayabisi bisu wuuna wu ateele bisu, mu muyusu na bubwe bwa nde.

2 Peetelo 1:3 ပူးပေါင်းရင်းမြစ်များ

Looma 8:32

Nde wu avelitahula Mwana a nde mwakulu, ka nde ayehuli nde mu bisu boosi, buni nde huveleva bisu byosi itwadi na Mwana a nde?

Looma 9:24

Baatu mo ni bisu. Bisu ba nde hateeli, a ndulu ba ŋa hati li Bayudaayo ve, ka napa ba ŋa hati la babaavele Bayudaayo.

Filiipo 3:8

Mu mbuli, me ndi mu umono bisiha mo biniibi byosi, bi byavele na kaluha. Mu toni ati, busina bu bwafulala kaluha, ni nzaabili a Yisu Kristo Pfumu a me. Mu toni a nde, me atsiinga utimba biina byosi bi byavele na kaluha, mana me mbuuna Kristo. Eye, me ndi mu umono byo we bya nzododo mu me.

Filiipo 4:8

Baana ba ngu, mu umana, nyaha matsimi ma benu mabaakwilala tangu yoosi mu biina byosi bi bili bya mbuli, bi byahwama, bi byasungama, bi byatsyeme, bi bubaatondo, bi bubaasingasala, bi bibwe na bi byahwama mu muyusu.

1 Tesalonika 2:12

Bisu laahwadisi benu, laabombisili benu na laayelisi benu mu ubaaba na mbiili yi yafwana ŋa busu bwa Nzambi. Nde wu li mu uteele benu mu ukoto mu ipfumu hya nde na mu muyusu a nde.

1 Tesalonika 4:7

Nzambi a hateele bisu mu ukangama mu ndyatili yi yasumaha ve, ka mu uba na mbiili yi bungidi.

2 Tesalonika 2:14

Mu ukuhasa dyambu moliina, Nzambi ateele benu mu nzila a Musamu wu Mubwe wu bisu laayabisi benu. Nzambi hateele benu, mana benu liyaka muyusu a Pfumu a bisu Yisu Kristo.

1 Timoteho 4:8

Bingana bya nyutu na tsongo mu mambu ma hole. Ka ukangama mu Nzambi, hu uli na tsongo mu moosi. Mu toni ati, huli wu akangama mu Nzambi, baamiivangila nde idiingu hya loloyi, na baamiilaha nde monyi wu bilumbu bya hu mbisa lipfu.

2 Timoteho 1:9

Nde ni wu ayobolo bisu, na wu ateele bisu mu mbila ya ngidi, a mu toni mavanga ma bisu mamabwe ve, ka mu toni a kesili a nde mwakulu na mu toni bubwe bwa nde. Nde asa bisu kolo-kolo a nde mu Yisu Kristo, tswamina mbandili a tangu.

1 Peetelo 1:15

Ka baani baatu bangidi mu mbiili a benu yoosi, we bu Nzambi wu ateele benu ali wa ngidi.

1 Peetelo 1:5

Mu toni ati, Nzambi li nga matwala. Nde ubaakeelese benu bubwe-bubwe mu imiinu hya benu mu Yisu Kristo. Tangu a tsukusu aka bebele, tangu yi Nzambi humwese liyobolo la benu.

1 Peetelo 2:21

Ni muliina Nzambi hateele benu, mu toni ati, Kristo nde mwakulu amoni pasi mu benu. Nde asiisala benu ifwani mana benu liduukala bondo la nde.

1 Peetelo 2:9

Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.

1 Peetelo 3:9

A lifutala lilibi mu lilibi ve, tso ituhi mu ituhi ve. Ka futalaani bunuubu: «Nyaha Nzambi asyeme benu!» Mu toni ati, ni muliina Nzambi hateele benu, mana benu liyaka lisyeme.

1 Peetelo 5:10

Benu sa libwemono pasi mwana a tangu hoole. Ka Nzambi wu ubaamwese hyese hya nde hyosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.

2 Peetelo 1:10

Ni mu buuna, baana ba ngu, hwadaani mu usa mifudi mu usilasa ti ni mbuli, Nzambi ateele benu na asoolo benu mu uba buli la nde. Tso benu livangi buuna, benu utwala ubwisa imiinu hya benu ve.

2 Peetelo 1:2

Nyaha Nzambi asyeme benu na ava benu hyenze hi hyafulala mu nzabili a Nzambi na Yisu Pfumu a bisu.

2 Peetelo 1:5

Ni mu buuna, benu lafwana uva mifudi mya benu myosi, mu ubwese ŋa yulu imiinu hya benu, mbiili yimbwe; na ŋa yulu a mbiili yimbwe, nzabili a Nzambi;

2 Peetelo 1:6

ŋa yulu a nzabili a Nzambi, ukuta hu linyutu; ŋa yulu ukuta hu linyutu, mukonono; ŋa yulu mukonono, ukangama hwa mu Nzambi;

2 Peetelo 1:8

Eye, tso benu lili na bisiha mobiina, na tso byo bipfuni mu benu, byo byutelemese benu mu usala. Na nzabili a Pfumu a bisu Yisu Kristo sa yibutala benu mimbutu.

2 Peetelo 2:20

Mu mbuli, hu li na baatu ba baamiinyaha uvanga mambu mamabi mamali mu utuma tsi. Mu toni ati, bo baayabi bubwe-bubwe Pfumu na Mufuhisi a bisu Yisu Kristo. Ka tso babwekulamana hutsina lituma li mavanga ma makulu, idiingu hya bo hya tsyelele sa ifulala pasi na hya tsomi.

2 Peetelo 3:18

Ka nyaha benu likula hutso a hyenze na nzabiili a Yisu Kristo, Pfumu na Muyobili a bisu. Nyaha muyusu aba huli nde, loloyi na mu bilima na bilima! Ameni!