2 Peetelo 1:2 - Musamu wu Mubwe

² Nyaha Nzambi asyeme benu na ava benu hyenze hi hyafulala mu nzabili a Nzambi na Yisu Pfumu a bisu.

2 Peetelo 1:2 ပူးပေါင်းရင်းမြစ်များ

Luuka 10:22

Taata a me aviidi me byosi ŋa myoho mya me. A huli na muutu wu uyaba Mwana ni na, tso a ni Taata ve. Na muutu a hayaba Taata ni na, tso a ni Mwana ve, na huli nde wuna ka wu Mwana atondi usaangula lo.»

Yowani 17:3

Ka monyi wu bilima na bilima ni uyaaba we Nzambi, wu li Nzambi ndulu mosi wa mbuli, na uyaaba wu we atsindihi, Yisu Kristo.

Looma 1:7

Me ndi mu utsonehele huli benu boosi ba lili hu Musyenge a Looma, benu ba Nzambi hatondo, ba nde hamiiteele mu uba bangidi. Nyaha Nzambi Taata, na Pfumu a bisu Yisu Kristo, bava benu hyese na hyenze.

Filiipo 3:8

Mu mbuli, me ndi mu umono bisiha mo biniibi byosi, bi byavele na kaluha. Mu toni ati, busina bu bwafulala kaluha, ni nzaabili a Yisu Kristo Pfumu a me. Mu toni a nde, me atsiinga utimba biina byosi bi byavele na kaluha, mana me mbuuna Kristo. Eye, me ndi mu umono byo we bya nzododo mu me.

1 Peetelo 1:2

Taata Nzambi atswamini usoolo benu, we bu huli matsimi ma nde. Nde miikitusa benu ibandu hya ngidi, mu likumbasa li Livupu la nde. Nde hasiidi buuna, mana benu lisiingala Yisu Kristo, na makila ma nde ma maapuhimi matsyemese benu. Nyaha Nzambi asyeme benu na ava benu hyenze hi hyafulala.

2 Peetelo 1:3

Nzambi mu matwala ma nde, ava bisu byosi bi byakuha mu idiingu hya bisu, mu ukangama mu nde. Pfumu ayabisi bisu wuuna wu ateele bisu, mu muyusu na bubwe bwa nde.

2 Peetelo 1:5

Ni mu buuna, benu lafwana uva mifudi mya benu myosi, mu ubwese ŋa yulu imiinu hya benu, mbiili yimbwe; na ŋa yulu a mbiili yimbwe, nzabili a Nzambi;

2 Peetelo 1:8

Eye, tso benu lili na bisiha mobiina, na tso byo bipfuni mu benu, byo byutelemese benu mu usala. Na nzabili a Pfumu a bisu Yisu Kristo sa yibutala benu mimbutu.

2 Peetelo 2:20

Mu mbuli, hu li na baatu ba baamiinyaha uvanga mambu mamabi mamali mu utuma tsi. Mu toni ati, bo baayabi bubwe-bubwe Pfumu na Mufuhisi a bisu Yisu Kristo. Ka tso babwekulamana hutsina lituma li mavanga ma makulu, idiingu hya bo hya tsyelele sa ifulala pasi na hya tsomi.

2 Peetelo 3:18

Ka nyaha benu likula hutso a hyenze na nzabiili a Yisu Kristo, Pfumu na Muyobili a bisu. Nyaha muyusu aba huli nde, loloyi na mu bilima na bilima! Ameni!

Yude 1:2

Nyaha kwili lingebe, hyenze na litondo bi byafulala, bava huli benu.