1 Timoteho 3:3 - Musamu wu Mubwe

³ Mutumi libundu utwala uba ikolo-mbungu ve. Nde utwala uba nga ngaabi ve, ka nde afwana uba nga bulembo. Nde utwala uba nga a bisongi ve, tso wu avelekebele mbongo mu diisu.

1 Timoteho 3:3 ပူးပေါင်းရင်းမြစ်များ

Mavanga 20:33

Me a hanyungala tso mbongo, tso wolo, tso bikutu bya pasi muutu ve.

Looma 16:18

mu toni ati baatu ba pila moyiina, a bali mu usalila Kristo Pfumu a bisu ve, ka mapeyu ma bo mwakulu. Na humbisa mikuma mya bo mi mibwe, na bileedi bya soho, bo bali mu upfuta ba baavele na tsikihili.

1 Tesalonika 5:14

Baana ba ngu, bisu livondi benu mu ubaayibusa ba bubaasala hyayuhu. Baahwadisaani ba mitima myamiiduka, baakumbasaani ba baavele mifudi, baabaani na bulembo ŋa busu bwa baatu boosi.

1 Timoteho 3:8

Bakeelisi ba libundu kaka, ni bumosi, baafwana uba baatu banga likinzu, na banga imbuli. Bo utwala ukoto mutso a nywili malamu yinono ve, na mu mbahili a mbongo ya tsonyi ve.

2 Timoteho 3:2

Baatu bu uba na nyinga, na linyungi la mbongo, na nyeme, na isayi. Basafuli ba bungidi bwa Nzambi, banga kene ŋa busu bu bataata na bangu. Bo bu uba ba buveletwala ufutala matondo, bangoyi.

Tiite 1:11

We afwana ukala bo mu utoyo. Mu tonyi ati, bo bali mu udimbasa imiinu hi mabuli ma baatu, mu ubaalongese ma mavelefwana. Bo bali mu ulongese mambu momaana, mu tonyi ati bo bayaka pfuta mu ngaabi.

Tiite 1:7

Pasi mukuutu libundu, ahwama na mupfuna a mambu ma Nzambi. Nde afwana ubaaba muutu wu avele na masyembo. Nde utwala uba nga isaayi tso nga makesi ve. Nde utwala uba ikolo-mbungu, tso nga bisongi, tso nga ngaabi.

Tiite 2:3

Leele ka bumosi huli bakaasu ba baakula, bo baba na ndyatili yi yi umwese Nzambi kinya. Bo babaavelekusa, na uveleba baviha ba nwyili malamu yinono. Bo babaalongese mamabwe,

Tiite 3:2

Bo muutu utuha ve, mitsotso ve. Ka bo bafwana uba baatu ba hyenze na bababwe, banga bulembo ŋa busu bwa baatu boosi.

Yaki 4:1

Midingu na iboho bya benu, huni bili mu umata? Byo bili mu umata mu manzala ma benu ma nyinga, ma mali mu ulwana pasi tangu, mutso mitima mya benu.

1 Peetelo 5:2

Baakelesaani konge mameme yi Nzambi hava benu we bakeedi. Bakelesaani yo, a hwati mu kwamisa ve, ka mu mutima wu ayaluha, we bu hu li litondo la Nzambi. Baasaani buuna hwavele a nzala a kaluha, ka mu toni lisiingala.

2 Peetelo 2:3

Mu toni linyungi la mbongo, bo sa basoho benu mu bitoyili bya bo bi mapfuta. Ka tsundusu a bo, umata beleve, yamiitswiha. Na ndungili yili mu ukete bo.

Yude 1:11

Lingebe huli bo! Mu tonyi ati, bo baasumihi we musumihi Kayini. Bo baadungi mu tonyi a lingi la mbongo, we bu mumbihuli Balaami hasiidi. Bo baakwidi mu tonyi ati, bo baatumbihi we bu Kore hasiidi.