1 Timoteho 2:3 - Musamu wu Mubwe

³ Liina ni dyambu lilibwe, li Nzambi Muyobili a bisu hasilasa.

1 Timoteho 2:3 ပူးပေါင်းရင်းမြစ်များ

Luuka 1:47

na livupu la me lili mu kinya mu Nzambi, Muyobili a me.

Looma 14:18

Ni buuna, woosi wu ubaasalila Kristo mu biteesi mobiina, li wu mubwe ŋa busu bwa Nzambi, na baatu bubaasilasa nde.

Filiipo 1:11

Benu luuba bisina bi mimbutu mi mavanga mamabwe mu Yisu Kristo, mana baatu boosi bava muyusu huli Nzambi.

Filiipo 4:18

Mu muhanda mowunuwu, me ndi mu utsingasala ti, me anzaka bungodu bwa benu bwosi, bu bwavyohelele iteesi. Bunuubu, bu Epafodite amiibehele me bungodu bwa benu, me miimbaha byosi bi me ndi na byo nzala. Bungodu bwa benu buli we nyafi ya tsulu yimbwe, bungodu bu Nzambi ubaasiinga na bu nde ubaamono kinya.

1 Tesalonika 4:1

Hutsyelele, benu laayihi huli bisu mbiili yi benu lafwana uba na yo mu ubaamwese Nzambi kinya. Eye, benu laaka na mbiili moyiina. Ka bunuubu, bisu livondi na litumi benu mu ubaafulala usa buuna mu nduhi a Yisu. Vangaani bu hwafulala maana!

1 Timoteho 1:1

Me Pahuli, ndi ilumbi hya Kristo Yisu. Me ndi mu unzabisa we mu tumili a Nzambi Mufuhisi a bisu, na mu tumili a Kristo Yisu wu uli hiitu hya bisu.

1 Timoteho 4:10

Bisu libaasala na libaahumba, bu bisu lasuusa hiitu hya bisu mu Nzambi a monyi, wuli Muyobili a baatu boosi, fula-fula ba baakangama mu nde.

1 Timoteho 5:4

Tso mukwili li na baana buve batehudu, bo baafwana umaamwese ukangama hwa bo mu Nzambi, mu tso manzo ma bo, titswene ufutala mamabwe ma bo baayaki huli bataata na bangu ba bo. Maana ni ma kinya huli Nzambi.

2 Timoteho 1:9

Nde ni wu ayobolo bisu, na wu ateele bisu mu mbila ya ngidi, a mu toni mavanga ma bisu mamabwe ve, ka mu toni a kesili a nde mwakulu na mu toni bubwe bwa nde. Nde asa bisu kolo-kolo a nde mu Yisu Kristo, tswamina mbandili a tangu.

1 Peetelo 2:20

Ki musyendo li, mu ukunda bikooti bi bali mu utete we, humbisa a hu we miisa dyambu lilibi? Tso we li mu ukunda byo mu toni a mambu mamabwe ma we miivanga, huli bubwe ŋa busu bwa Nzambi.

1 Peetelo 2:5

Na benu mwakulu, we mamanya ma monyi, kuukamaani mu utuunga nzo Livupu. Kuukamaani mu uvanga kabu li banganga ba Nzambi ba nga lehemene, ba bu uba na isalu hi ubaayeholo bungodu bu Livupu. Bungodu mobuuna, Nzambi usiinga bwo, mu toni a Yisu Kristo.