1 Timoteho 2:2 - Musamu wu Mubwe

² Sambila mu toni bapfumu, na mu toni a boosi ba bali na lituma. Sambila mu bo, mana bisu a benu liba na idiingu hya hyenze hyosi hutso a mbiili yi yafwana. Ni mu mbiili a bisu a benu, lu umwese ti bisu a benu baatu ba likinzu ŋa busu bwa Nzambi.

1 Timoteho 2:2 ပူးပေါင်းရင်းမြစ်များ

Luuka 1:6

Bo baboole baaba baasungama ŋa busu bwa Nzambi, na baakaduukala mikele mya Pfumu na tumili a nde we bu hwafwana.

Luuka 2:25

Hu musyenge a Yeruselemi hwaba na muutu mumosi, nduhi a nde Simeyoni. Nde aba wu asungama na nga likinzu ŋa busu bwa Nzambi. Nde akakeele muutu wu Nzambi hafwana utsindaha mu uyobolo bisu Isereli, na Livupu la Nzambi laaba ŋa yulu a nde.

Mavanga 10:22

Bo baafutili: «Mukuutu balwani Korineye, miitsindaha bisu huli we. Nde li muutu wu asungama na wu ubaakinza Nzambi. Ni nde wuna, wu Bayudaayo boosi bubaasilasa mbiili. Pofi a Nzambi ayamonehele na nde, na uleele nde atsiha we hu nzo a nde. Muutu mowuna na nzala uyuha mambu ma we uyaabisa nde.»

Mavanga 24:16

Ni mu buuna, me ndi mu utsa mifudi mu uveleba na dyambu lilibi hutso mutima a me, ŋa busu bwa Nzambi, na ŋa busu bwa baatu.»

Looma 12:18

Tso benu litwali ukuhasa buuna, mu iteesi hi hyahwama na benu, baani mu hyenze na baatu boosi.

Filiipo 4:8

Baana ba ngu, mu umana, nyaha matsimi ma benu mabaakwilala tangu yoosi mu biina byosi bi bili bya mbuli, bi byahwama, bi byasungama, bi byatsyeme, bi bubaatondo, bi bubaasingasala, bi bibwe na bi byahwama mu muyusu.

1 Tesalonika 4:11

Hwadaani mu ubaaba mu hyenze. Nyaha pasi muutu abaaduukala ndulu misamu mi mili mu utala nde. Hwafwana huli pasi muutu mu ubaha kaluha mu isalu hya myoho mya nde mwakulu, we bu bisu laatswamini utuma benu.