1 Tesalonika 5:10 - Musamu wu Mubwe

¹⁰ Yisu Kristo akwa mu toni a bisu, mana tso lili monyi buve babaakwa, bisu liba monyi itwadi na nde.

1 Tesalonika 5:10 ပူးပေါင်းရင်းမြစ်များ

1 Peetelo 3:18

Ka Kristo nde mwakulu amoni pasi ya nzyeni, mu toni masumu ma baatu. Nde wa tsiitsa, mu babaaveletsiitsa, mu ubita benu huli Nzambi. Baadubi nde mu linyutu, ka Nzambi asuuli nde mu Livupu.

Looma 8:34

Ka na utwala usyembe bo? Muutu ve, mu toni ati Yisu Kristo miikwa, titswene nde miisuuha, nde li ŋa mbahala a Nzambi. Na nde li mu usambila mu bisu!

1 Tesalonika 4:17

Na titswene, bisu ba luusaala monyi mu tangu moyiina, sa bavolo bisu itwadi na bo mu mayidu, mu ubwana na Pfumu hu yulu. Na bisu sa liba na Pfumu nzyeni.

1 Peetelo 2:24

«Nde abiti nde mwakulu masumu ma bisu», mu nyutu a nde ŋa muti. Nde hasiidi buuna, mana bisu liba we baatu babaakwa ŋa busu bu masumu, na ubaha monyi mu ukuhasa butsiitsa. Eeye, basonehe ti: «Ni mu toni a mbuma a nde benu laabeloho.»

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

1 Timoteho 2:6

wu ayehuli muvumu a nde we kodi, mu uyobolo baatu boosi mu masumu. Mu tangu yi yafwana, Nzambi amwesi Kristo we mbangi a libwe la nde.

1 Tesalonika 4:13

Baana ba ngu, bisu litondi ti benu liyaaba imbuli mu toni a babaakwa. Bisu a litondi ve ti benu liba na lingebe, we baatu ba baavele na hiitu.

Yowani 15:13

Litondo li laalutala, ni ukwa mu toni bambaahi.

Yowani 10:17

Ni buuna, Taata hatondo me. Ka tso Taata hatondo me, mu toni ati, me umbaanzyeholo monyi a me, mana me mbwembaha nde wu munyatihi.

Yowani 10:11

Me, me ndi mukelisi mameme wu mubwe. Mukelisi mameme ubaayeholo monyi a nde mu mameme ma nde.

Yowani 10:15

We bu Taata hayaaba me, me kaka anzaaba Taata. Na me umbaanzyeholo monyi a me mu mameme ma me.

1 Tesalonika 4:15

Bunuubu, yuhani ma bisu liyabisi benu, we bu huli mu uleele ndongisili mosi ya Pfumu: bisu ba luusaala monyi ŋa Pfumu huuya, a luutswamina babaakwa mu mbwanini a Yisu ve.

1 Tesalonika 5:6

Bisu a benu a libwamina we baatu bakima ve, ka bisu a benu laafwana uba likanda, na ukuta linyutu.

2 Timoteho 2:11

Musamu a mbuli ni wunuwu: Tso bisu likwidi na Yisu Kristo, bisu lu uba kaka monyi na nde.