1 Tesalonika 4:9 - Musamu wu Mubwe

⁹ Mu ma mali mu utala dyambu li litondo li bumwana bu bungu, benu a lili na nzala ti basonehele benu ve. Mu toni ati Nzambi nde mwakulu amiilongese benu, buni benu laafwana ubaatondosono.

1 Tesalonika 4:9 ပူးပေါင်းရင်းမြစ်များ

Yowani 14:26

Ka mukaliini, Livupu la Ngidi li Taata hutsindaha mu nduhi a me, luulongese benu mu bisiha byosi. Lo luusa ti benu liyibwala monyi, mu moosi ma me andeele benu.»

Mavanga 4:32

Konge a banga a hiitu, yaba na matsimi mamosi, na mutima mumosi. A hwaba na muutu wu akaleele ti busina bwa nde, bwa nde siha ve. Ka byosi bi bo baaba na byo, aba bi itwadi.

Looma 12:10

Luulaani mu litondo bana mu bana, we binama bya buli limosi; Baani batsomi mu ukinza bana.

Filiipo 3:15

Bisu ba lili mu umono ti bisu ba laakula mu livupu, ni tsimi moyiina yafwana ubaaba na bisu. Na tso mu dyambu limosi benu lili na matsimi ma maasobono, Nzambi uyalusa matsimi ma benu.

1 Tesalonika 5:1

Baana ba ngu, mu ma mali mu utala matangu na bilumbu, benu a lili na nzala ati basonehele benu ve.

1 Peetelo 3:8

Ni mu buuna, baani benu boosi matsimi mamosi. Baani na kwili lingebe mu bana, na bulembo, na litondo li mutima na kulimini.

1 Peetelo 4:8

Hati a tsomi, baatondosonwani mu mifudi, mu toni ati, litondo libaafuha masumu mamalahi.

2 Peetelo 1:7

ŋa yulu a ukangama hwa benu mu Nzambi, litondo li bumwana bu bungu bwa mu Kristo; ŋa yulu litondo li bumwana bu bungu bwa mu Kristo, bwesaani litondo.

1 Yowani 2:10

Woosi wu ubaatondo mwana a ngu a nde, ubaakwilala hutso liyalala, na isiha tso imosi utwala ubwisa imiinu hya nde ve.

1 Yowani 3:11

«Litondosonwaani bisu na bisu.» Maana ni mambu ma benu laayuhi umata hu mbandu.

1 Yowani 3:23

Bunuubu, Mukele wu Nzambi ali mu uva bisu ni wunuwu: bisu libaasa imiinu mu nduhi a mwana a nde Yisu Kristo, na libaatondosono mu bumwana bu bungu, we bu Kristo hatumi bisu.

1 Yowani 4:21

Woosi wu utondo Nzambi, afwana utondo kaka mwana a ngu a nde. Wunuwu ni mukele wu Kristo hava bisu.