1 Tesalonika 4:5 - Musamu wu Mubwe

⁵ A lisiinga ubwa mu mapeyu ma mavele lisuunga ve, we bu hubaasa bangoyi, ba baveleyaba Nzambi.

1 Tesalonika 4:5 ပူးပေါင်းရင်းမြစ်များ

Luuka 12:30

Ka ni bangooyi ba tsi moyi ba baasaha tangu yoosi. Ka benu, benu lili na Taata wu ayaba ti benu lili na nzala a byo.

Mavanga 17:23

Mu toni ati, me ataangila musyenge a benu, na me atsikaha bifwita bya benu. Mu hati bifwita mobiina, me atsoolo mwa ibanga imosi hya ndongisili, hi baasonehe bunuubu: “Huli nzambi wu baaveleyaba.” Wu benu libaakiinza hwavele uyaba, ni nde me miinzanzaabisa benu.

Looma 1:24

Ni mu buuna, Nzambi havahuli bo hutso a tsumihili, we bu huli linyungi li mitima mya bo, mana bo basumana nyutu a bo, bomo na bomo.

Looma 1:26

Ni mu buuna, Nzambi hayeholo bo mu ubaavanga ma tsumihili. Bakadi ba bo, a bali mu ubwepfuuta taangi na balumi ba bo ve, buuna bo ubaapfuuta taangi aka bomo na bomo bakaasu.

Looma 1:28

Bu bo baabisi uyaaba Nzambi, Nzambi atiimbi bo ŋa busu bu buyedi bwa bo bu bwadunga, na bo bali mu uvanga ma maavelefwaana.

Ngalaatiya 4:8

Hutsomi, benu aba a laayaba Nzambi ve. Benu laabedi baviha ba banzambi ba bali binzanzambi.

2 Tesalonika 1:8

Nde sa aya hutso a ludi la mbaahu, mu usyembe ba baaveleyaba Nzambi na ba baavelesingala Musamu wu Mubwe wa Pfumu a bisu Yisu.

1 Peetelo 4:3

Hu tsomi, benu laavyosi tangu yindahi, mu ubaasa mavanga ma mubaava kinya huli ba baaveleyaba Nzambi. Benu laavahuli linyutu la benu mu bumbembo, mu mapeyu ma musunya, mu malaangi, mu mikungi mi udya na unywa, na ubaasambila bifwita.