1 Tesalonika 4:3 - Musamu wu Mubwe

³ Litondo la Nzambi ni ti, benu liba na idiingu hya ngidi na utahuha na ndyatili yi bumbembo.

1 Tesalonika 4:3 ပူးပေါင်းရင်းမြစ်များ

Yowani 4:34

Yisu afutili bo: «Bya me byudya ni mu ukuhasa litondo la Taata wu atsindaha me, na umana isalu hi nde hava me.»

Yowani 7:17

Tso muutu tondi ukuhasa litondo la Nzambi, nde utsikaha tso ndongisili a me yili mu umata huli Nzambi, buve ti yo yili mu umata mu matsimi ma me mwakulu.

Mavanga 15:20

Ka lisonehani bo maaniima: “A lidya banyama ba baasumaha, ba baayeholo huli bifwita ve. A lidya misunya mi banyama ba baapinya ŋa mivodi, tso unywa makila ma bo ve. A lisa bumbembo ve.

Mavanga 15:29

“Uveledya banyama ba baayeholo huli bifwita. Uvelenwya makila, tso udya misunya mi banyama ba babaapinya ŋa mivodi. Uvelesa bumbembo”. Hwafwana bubwe, benu mu ubata miina myosi. Saalaani bubwe.»

Mavanga 20:32

Na bunuubu, me nzyehuli benu ŋa myoho mya Nzambi, na mu lituma li Musamu wu Mubwe wa pfuuhili. Nde na matwala ma uhwadisa benu mu imiinu, na uva benu mukobe wu nde haswehele boosi ba baakangama mu nde.

Mavanga 26:18

Me ndi mu utsindaha we, mana we dibula bo miisu. Me ndi mu utsindaha we, mana we palisa bo mu piipidi, mu uvyoso bo mu liyalala. Me ndi mu utsindaha we, mana we palisa bo hu tsina matwala ma Satana, mu ususa bo hu tsina lituma la Nzambi. Bu bu usiila me hiitu, Nzambi unyahula masumu ma bo, na bo bu ubaha mbuha ŋa hati la ba Nzambi hamiisoolo.”»

Looma 1:29

Bo baamiiluula mu vele li butsiitsa bwa pila mu pila, mu bubi, linyungi, bukanyi; bo baaluula mu nyengi, mu ndubili a baatu, mu midiingu, mu ubaavahula bana, mu mitsotso, mu dyele, mu mavanga ma tsumihili. Bo bubaakusa bana mu upfuta.

Looma 12:2

A liduukala bipfu bya baatu ba tsi moyiniyi ve. Ka nyahaani Nzambi akitusa benu na uva benu buyedi bubunyatihi. Na benu sa litsikaha litondo la Nzambi: ma mabwe, ma nde hatondo, na ma masupahana.

Looma 6:22

Ka bunuubu, bu lika bunyanga ŋa busu bu masumu, na bu lika baviha ba Nzambi, kaluha yi benu luubaha ni idiingu hi hyaluula mu nde, na tsukusu ni monyi wu bilima na bilima.

Ngalaatiya 5:19

Ka mavanga ma musunya mali ma maamonehele: ni bumbembo, mayamba, mbiili ya yayuhu,

1 Tesalonika 4:2

Mu toni ati, benu lamiiyaaba matumili ma bisu laava benu, matumili ma maamata huli Pfumu Yisu.

1 Tesalonika 4:4

Pasi muutu ŋa hati la benu ayaaba ubaatuma nyutu a nde, we bu hwafwana mu ubaadyata mu bungidi na butsitu.

1 Tesalonika 5:18

Baafutalaani matondo huli Nzambi mu pasi musamu. Liina ni li Nzambi ubaavondo benu, mu idiingu hya benu na Yisu Kristo.

1 Tesalonika 5:23

Nyaha Nzambi wu li suhu la hyenze, akuhasa bungidi bwa nde boosi mu benu. Na nde akeelese benu we bu hwafwana: ilunzi hyosi, muvumu woosi na nyutu yoosi bya benu, biveleba na masyembo mu ilumbu hya nziili a Pfumu a bisu Yisu Kristo.

2 Tesalonika 2:13

Uto ti bisu a benu, baana ba ngu ba Pfumu hatondo, bisu lafwana ubaafutala matondo huli Nzambi tangu yoosi mu toni a benu. Benu ba Pfumu hasooli hati a tsomi, mu uyoboho mu isalu hi Livupu li libaava benu bungidi. Benu luuyoboho kaka, mu toni imiinu hya benu hi hyakangama mu imbuli.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

1 Peetelo 1:2

Taata Nzambi atswamini usoolo benu, we bu huli matsimi ma nde. Nde miikitusa benu ibandu hya ngidi, mu likumbasa li Livupu la nde. Nde hasiidi buuna, mana benu lisiingala Yisu Kristo, na makila ma nde ma maapuhimi matsyemese benu. Nyaha Nzambi asyeme benu na ava benu hyenze hi hyafulala.

1 Peetelo 4:2

Mu tangu yi yimiisaala benu ŋa toto, a hwafwana ti benu libaadyata we bu huli mapeyu ma musunya ve, ka dyataani we bu huli litondo la Nzambi.

1 Yowani 2:17

Tsi yili mu uvyoho, na byosi bi linyungi bi bili mu yo. Ka muutu wu ukuhasa litondo la Nzambi, ukwilala bilima na bilima.