1 Tesalonika 4:12 - Musamu wu Mubwe

¹² Buuna, ba baavele ba Kristo buuyusa mbiili a benu, na benu a libaakwamisa bana mu pasi dyambu li limiitala benu.

1 Tesalonika 4:12 ပူးပေါင်းရင်းမြစ်များ

Looma 12:17

A lifutala ma mabi mu ma mabi ve, ka hwadaani mu ubaasa ma mabwe ŋa busu bwa baatu boosi.

Looma 13:13

Lidyataani mu mbiili yi yasungama, we bu hwafwana mu udyata ŋa nyangu. Linyahaani mikuungi mi udya, malaangi, bumbembo tso mbiili yimbi, mitsotso tso nyengi.

Filiipo 4:8

Baana ba ngu, mu umana, nyaha matsimi ma benu mabaakwilala tangu yoosi mu biina byosi bi bili bya mbuli, bi byahwama, bi byasungama, bi byatsyeme, bi bubaatondo, bi bubaasingasala, bi bibwe na bi byahwama mu muyusu.

1 Tesalonika 5:22

Tahuhaani na pasi dyambu li libi.

1 Timoteho 3:7

Hwafwana kaka ti, baatu babali hu mbadi libundu, batiila nde imbangi hi ibwe. Imbangi mohiina, mana bavelerokolo nde, na nde avelebwa mu myeto mi Mukuyi.

1 Peetelo 2:12

Baani na mbiili yimbwe ŋa hati li bangoyi. Tso bo bakesi benu ti benu bavangi ba mamabi, bo sa bamono mbiili a benu yimbwe. Na bo sa bayusa Nzambi ilumbu hi nde hu uyamonehele.

1 Peetelo 3:1

Ni bumosi kaka, benu bakaasu, baani na lisiingala ŋa busu bu balumi ba benu. Tso lisiidi buuna, uba ti na babahala ŋa hati la bo ba bali mu uvelesa imiinu mu Mambu ma Nzambi, babaha imiinu mu mbiili bakadi ba bo.