1 Tesalonika 4:1 - Musamu wu Mubwe

¹ Hutsyelele, benu laayihi huli bisu mbiili yi benu lafwana uba na yo mu ubaamwese Nzambi kinya. Eye, benu laaka na mbiili moyiina. Ka bunuubu, bisu livondi na litumi benu mu ubaafulala usa buuna mu nduhi a Yisu. Vangaani bu hwafulala maana!

1 Tesalonika 4:1 ပူးပေါင်းရင်းမြစ်များ

Yowani 15:2

Pasi itabi hi hyakangama mu me na hi hyavele na mbutu, Taata ubaatsakula hyo. Na pasi itabi hi hili na mbutu, nde ubaatsyemese hyo, mana hyo hibwefulala ubuta mbutu.

Mavanga 20:27

Mu toni ati, me anzaabisi benu litondo la Nzambi loosi, hwavele uswehe pasi dyambu.

Looma 8:8

Ni mu buuna, ba bali hutsina lituma li musunya, utwala umwese Nzambi kinya ve.

Ngalaatiya 6:1

Baana ba ngu, tso bayabiisa muutu bikuma mu uvanga lilibi, benu ba lili na livupu la Nzambi, sungahani nde mu bulembo. Na kebe we mwakulu kaka, mu uvelebwa mu lobese.

Filiipo 1:27

Pasi bu buuyiila, dyataani we bu hwayelemene na Musamu wu Mubwe wa Kristo. Tso me nzidi, tso me pelinza, me mbanzuha babaaleele ti, benu laavangama mu matsimi mamosi, na lili mu usala itwadi mu mutima mumosi, mu ulwanila Musamu wu Mubwe wu bisu laayaki.

Filiipo 1:9

Mono ma me ndi mu upondo huli Nzambi, mu masambulu ma me ni ti, litondo la benu libaasinzakula. Me ndi upondo huli nde kaka ti, benu liyaba na utsikaha bubwe-bubwe, buni benu lafwana udyata ŋa busu bwa bana, mu nzaabili ya mbuli.

Filiipo 3:14

Me ndi mu ukwaada mu uyene tiinu hu busu. Mu toni ati, Nzambi li mu uteele me mu uyaka musyendo hu yulu, mu itwadi na Kristo.

1 Tesalonika 3:12

Nyaha Pfumu asinzakulasa na asinzaluusa litondo li benu lili na lo mu bana na mu baatu boosi, mu ifwani hi litondo li bisu lili na lo mu benu.

1 Tesalonika 4:2

Mu toni ati, benu lamiiyaaba matumili ma bisu laava benu, matumili ma maamata huli Pfumu Yisu.

1 Tesalonika 5:12

Baana ba ngu, bisu livondi benu mu ubaakiinza ba bali mu usala na bugeele bwosi ŋa hati la benu. Baakiinzaani ba bali mu usuungaha benu mu nduhi a Pfumu, na ba bali mu uyelese benu.

2 Tesalonika 1:3

Baana bangu, bisu lafwana ubafutala matondo tangu yoosi huli Nzambi, mu toni a benu. Hwafwana huli bisu mu usa buuna, mu umono buni imiinu hya benu hili mu ukula. Bisu lili mu umono kaka buni litondo li benu lili mu umwese mu bana, lili mu ukula.

2 Tesalonika 2:1

Mu ma mali mu utala nziili a Pfumu a bisu Yisu Kristo, na kuukimini a bisu ŋa pedu a nde, bisu livondi benu dyambu limosi, baana ba ngu.

2 Tesalonika 3:1

Mu umana, baana ba ngu, baasambilaani mu bisu, mana mambu ma Pfumu matsamuha mu mawasa na bakiinza mo matsyelo makima, we bu bali mu ukiinza mo huli benu.

2 Tesalonika 3:13

Ka benu, baana ba ngu, hwadaani mu ubaavanga bubwe a likolo ve.

1 Timoteho 5:21

Ŋa busu bwa Nzambi, ŋa busu bwa Yisu Kristo na ŋa busu bu bapofi ba Nzambi hasoolo, me ndabi ŋa busu bwa we mu usalila mambu momaana, hwavele burandu, tso uvelevolele bakima mileembe.

2 Timoteho 4:1

Me tumi we ŋa busu bwa Nzambi, na ŋa busu bwa Yisu Kristo wu utsundasa ba bali monyi na babaakwa, bu nde hu uyamonehele mu Ipfumu hya nde.

2 Peetelo 3:18

Ka nyaha benu likula hutso a hyenze na nzabiili a Yisu Kristo, Pfumu na Muyobili a bisu. Nyaha muyusu aba huli nde, loloyi na mu bilima na bilima! Ameni!

1 Yowani 3:22

Bisu libaayaka byosi bi bisu libaavondo nde. Mu toni ati, bisu libaakeele Mikele mya nde na bisu libaavanga moosi ma nde ubaatondo.