1 Tesalonika 3:3 - Musamu wu Mubwe

³ mana pasi muutu avelebwa hutso ikolili mu toni a mbingisili yi lili mu ubwana. Benu mwakulu liyabi lo, yiina ni kesili a Nzambi mu bisu.

1 Tesalonika 3:3 ပူးပေါင်းရင်းမြစ်များ

Luuka 21:12

Ka tswamina mambu momaana mavangama, sa bakaanga benu, sa batsuta benu. Sa bayeholo benu hu tsundusu mu manzo ma lisambulu ma Bayudaayo. Sa babwaha benu mu kondaayi. Sa babita benu ŋa busu bu bapfumu na lituma la tsi mu toni a nduhi a me.

Yowani 16:2

Bo sa bapalisa benu mu manzo ma lisambulu li Bayudaayo. Na tangu yili mu uya, yi bo buutsima ti, tso bo badubi benu, yiina ni nzila huli bo yi ukuunda Nzambi.

Yowani 16:33

Me miinzabisa benu mambu momaana, mana benu likangama mu me, benu libaha hyenze. Benu sa libwana mbingisili ŋa tsi. Ka baani na ibahala! Me amimbingala tsi!»

Mavanga 14:22

Bo baakahwadisa mitima mi bayihi, na baakatuma bo mu uteleme mu imiinu mu Nzambi. Bo baakaleele: «Bisu laafwana ubwana na mapasi mamalahi, tswamina mu ukoto mu Ipfumu hya Nzambi.»

Mavanga 2:25

Davidi aleeli mu toni a nde: “Me akamono Pfumu tangu yoosi ŋa busu bwa me, nde li ŋa mbahala a me, mana me peletsula likamba.

Mavanga 21:11

Nde avoli mudi a luungu wa Pahuli, akuti miilu na myoho mya nde mwakulu, na aleeli: «Yuhani mamali mu uleele Livupu la Ngidi: “Bahala nga mudi mowunuwu, Bayudaayo sa bakuta nde mu ifwani mohi hu Yeruselemi, na sa bayeholo nde ŋa myoho mya byenyi.”»

Mavanga 21:13

Ka Pahuli akaali: «Mu hima benu lili mu ulila na lili mu umwese me pasi mu mutima? Me ndi wu avangama, me Pahuli, ndulu a mu usa ti bakuta me ve. Ka napa mu ukwa hu musyenge a Yeruselemi, mu toni muyusu wu afwana mu Pfumu Yisu.»

Mavanga 9:16

Me tsa mwese nde me mwakulu, mapasi moosi ma nde humono mu nduhi a me.»

Looma 5:3

Ŋa yulu a ŋaana, bisu lili mu kinya mutso minyongi, bu liyaabi ti minyongi mibaabuta mukonono,

Filiipo 1:28

A liba na boomo bu bambene ba benu ve. Mu bo, hiina ni iliimbu hyati bo buudimbala. Ka mu benu, hyo ni iliimbu hyati benu luuyoboho, na lo lili mu umata huli Nzambi.

1 Tesalonika 5:9

Nzambi a hateele bisu mu ubwana tsyembili a nde ve, ka mu ubaha liyobolo mu Pfumu a bisu Yisu Kristo.

2 Tesalonika 1:4

Ni mu buuna, bisu lili na nyeme mu uyambila mu benu mutso mabundu ma Nzambi. Mu toni ati benu laateleme mu imiinu, tso bu benu lili mu ubwana mbingisili na mapasi.

2 Timoteho 1:8

Ni mu buuna, a hamono tsonyi mu imbangi hi we usa mu Pfumu a bisu. A hamono kaka tsonyi mu me, wu uli kondaayi mu toni a Pfumu. Ka siinga umono pasi na me mu Musamu wu Mubwe, mu mifudi mi Nzambi ubaava.

1 Peetelo 2:21

Ni muliina Nzambi hateele benu, mu toni ati, Kristo nde mwakulu amoni pasi mu benu. Nde asiisala benu ifwani mana benu liduukala bondo la nde.